ސައުދީ ޢަރަބިއްޔާއަށް ރަމަޟާން މަހުގެ ހަނދު ފެނިއްޖެއެވެ.

ރަމަޟާން މަހުގެ ހަނދު ސައުދީ އަރަބިއްޔާއަށް ފެނުމާއި ގުޅިގެން މިއަހަރުގެ ރަމަޟާން މަހުގެ ފުރަތަމަ ދުވަހަކީ މާދަމާ ކަން އެ ގައުމުން ވަނީ އިއުލާނު ކޮށްފިއެވެ.

ސައުދީގެ ހަރަމައިންއިން ރިޕޯޓް ކޮށްފައިވާ ގޮތުގައި ރަމަޟާން މަހުގެ ހަނދު އެގައުމަށް ފެނުމާއި އެކީ ރަމަޟާން މަހުގެ ފުރަތަމަ ދުވަހަކަށް ވާނީ މިމަހުގެ 11 (މާދަމާ) އެވެ.

ސައުދީއަށް ހަނދު ފެނިފައިވާކަން އިއުލާނު ކޮށްފައިވާއިރު, ރަމަޟާން މަހުގެ ހަނދު މިއަދު ފެނިފައި ނުވާތީ، ރަމަޟާން މަހުގެ ފުރަތަމަ ދުވަހަކީ މިމަހުގެ 12 ވާ އަންގާރަ ދުވަސް ކަމަށް ބައެއް ގައުމުތަކުން ނިންމާފައިވެއެވެ.

އޭގެ ތެރޭގައި އޮސްޓްރޭލިއާ، މެލޭޝިއާ، ބްރޫނާއި އަދި އިންޑޮނޭޝިއާ ހިމެނެއެވެ.