އީރާނުން އިޒްރޭލަށް އަމާޒުކޮށް ފޮނުވާލި ރައްދު ހަމަލާގެ ދެވަނަ ބުރުގައި، އިޒްރޭލުގެ ވައިގެ ދިފާޢީ ނިޒާމުތަކަށް އެކަށީގެންވާ ނަތީޖާއެއް ނެރެވިފައި ނުވާކަމަށް ޔަހޫދީ މީޑިއާތަކުން އިއުތިރާފުވާން ފަށައިފިއެވެ.
ރިޕޯޓްތައް ބުނާ ގޮތުގައި، މި ބުރުގައި ފޮނުވާލި ގިނަ އަދަދެއްގެ މިސައިލްތަކުގެ ތެރެއިން އިޒްރޭލުގެ ދިފާޢީ އައްޑަނަތަކަށް ހުއްޓުވުނީ އެންމެ ދެ މިސައިލެވެ. މީގެ މާނައަކީ އީރާނުގެ ގިނަ މިސައިލްތައް ވަނީ އިޒްރޭލުގެ ވައިގެ ސަރަހައްދު ފޫއަޅުވާލުމަށްފަހު، އެކި ސަރަހައްދުތަކުގައި ކަނޑައެޅިފައިވާ އަމާޒުތަކަށް އަރާފައެވެ.
މި ހާދިސާއާ ގުޅިގެން އިޒްރޭލުގެ ދިފާޢީ ނިޒާމުގެ ހަރުދަނާކަމާމެދު ސުވާލު އުފެދިފައިވާއިރު، މިއީ ފަހުގެ ތާރީޚެއްގައި އިޒްރޭލަށް ކުރިމަތިވި އެންމެ ނުރައްކާތެރި އަދި ކާމިޔާބު މިސައިލް ހަމަލާގެ ގޮތުގައި ގިނަ ބަޔަކު ސިފަކުރެއެވެ.
