އެމެރިކާގެ ނިއު ހެމްޝަޔަރގެ މައުންޓް ވޮޝިންޓަންގައި މިދިޔަ ހަފްތާ ބަންދުގައި ގާތްގަނޑަކަށް 600 ފޫޓުގެ އައިސް ވަޅުގަނޑެއްގެ ތިރިއަށް ވެއްޓި ސްކީ ކުރާ އަންހެނެއް މަރުވެއްޖެ ކަމަށް އޮފިޝަލުން ބުނެފި އެވެ.

އެމެރިކާގެ ފޮރެސްޓް ސާވިސްގެ ޕަބްލިކް އެފެއާޒް ސްޕެޝަލިސްޓް ކޮލީން މެއިންވިލް ވިދާޅުވީ އެ އަންހެން މީހާ އާއި އިތުރު ދެ މީހަކު ހޮނިހިރު ދުވަހު ބެކްކަންޓްރީ ސްކީ ކުރަމުން ދިޔަ ކަމަށެވެ.

ކަމާބެހޭ ފަރާތްތަކުން ބުނި ގޮތުގައި މަރުވެފައިވަނީ އުމުރުން 20 އަހަރުގެ މެޑިސަން ސޯލްޓްސްބާގް އެވެ. މެއިންވިލް އިން ނެރުނު ނޫސްބަޔާނެއްގައި ބުނެފައި ވަނީ ސްކީ ކުޅުންތެރިޔާ ޓަކަރމަން ރެވިން އިން ވެއްޓުމުން "މަރުވާވަރުގެ ޓްރައުމެޓިކް އަނިޔާތަކެއް" ލިބިފައިވާ ކަމަށެވެ. ސަލާމަތްވި ދެމީހުންނަށް ލިބިފައިވަނީ ފުރާނައަށް ނުރައްކާނުވާ ފަދަ އަނިޔާތަކެކެވެ.

މެއިންވިލް ބުނީ އެ ތިން މީހުންނަށް ކުރިމަތިވެފައި ވަނީ ހަރު، އައިސް ސްނޯ ސަރަހައްދުތަކާއި ހުޅުވިފައިވާ ކްރެވަސް ހޯލްތައް ފަދަ އުނދަގޫ ހާލަތްތަކެއް ކަމަށެވެ.

މެއިންވިލް ވިދާޅުވީ އެމެރިކާގެ ފޮރެސްޓް ސާވިސް އާއި މައުންޓް ވޮޝިންޓަން އެވަލެންޗް ސެންޓަރ (އެމްޑަބްލިއުއޭސީ) އިން ވަނީ ސޯލްޓްސްބާގް ފަރުބަދައިން ސަލާމަތް ކުރުމަށް އޮޕަރޭޝަނެއް ޖެއްސި ކަމަށެވެ.

މެއިންވިލް ބުނީ އެވަލެންޗް ސެންޓަރުގެ ސްނޯ ރޭންޖާ ޓީމުން ހޮނިހިރު ދުވަހު މަސައްކަތް ކުރި އެހެން ހާދިސާއެއް ގައި އިތުރު ދެ ސްކީ ކުޅުންތެރިންނަށް ހިލަތަކާއި އައިސްގެ ސަބަބުން އަނިޔާތަކެއް ލިބުނު

ކަމަށެވެ.