މާލޭ ސިޓީ ކައުންސިލްގައި ހިނގި މައްސަލަތައް ބަލަން ޖެހޭ ކަމަށާއި އެކަން ބެލެން އަންނަނީ އިސްމާއިލް ޒަރިޔަންދު ފަދަ ގާބިލް އަދި މި ވަގުތު ސިޔާސީ ލީޑަރެއްގެ ފަހަތުގައި ނެތް މީހަކަށް ކަމަށް ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.
ގައުމީ މޭޔަރަލް ކެންޑިޑޭޓު ޒަރިޔަންދުގެ ކެމްޕެއިން ހަރަކާތެއްގައި ބައިވެރިވެވަޑައިގެން ރައީސް ޔާމީން ވަނީ އެމަނިކުފާނު ޒަރިޔަންދު ހޮވަން ޖެހޭ ސަބަބާ އަދި އެމަނިކުފާނު ޒަރިޔަންދު އެންޑޯޒުކުރެއްވި ސަބަބުވެސް ވިދާޅުވެދެއްވާފައެވެ.
އެގޮތުން އެމަނިކުފާނު ވިދާޅުވީ، ޒަރިޔަންދުގެ މޭޔަރުކަމުގައި އޭނާ ބަލަން ޖެހޭ ސިޔާސީ ލީޑަރަކު ނުހުންނަވާނެ ކަމަށާ ޚުދު އެމަނިކުފާނަށް ވެސް ޒަރިޔަންދު ބަލަން ނުޖެހޭނެ ކަމަށް ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ ސިޔާސީ މީހުންގެ ފަސްފަހަތުގައި މަސައްކަތްކުރި ލައްކަ ގިނަ ފަރާތްތައް ފެނިގެން ގޮސްފައިވާ ކަމަށާ ނަމަވެސް މިހާރު ބޭނުންވަނީ ކްރެޑިބްލް ސިޔާސީ ކަންކަމާ ދުރު ކޮރަޕްޝަނާ ދުރު އިންޓަރގްރިޓީ ހުރި މީހުން ކަމަށެވެ. ދައުލަތް ހިންގުމުގައި ތަޖުރިބާ ހުރި ބޭފުޅަކަށް ޒަރިޔަންދު ނޫން ބޭފުޅަކު އެމަނިކުފާނަށް ނުފެނުނު ކަމަށްވެސް ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ، ސިޔާސީ މީހުންވެސް ފެނިއްޖެ ކަމަށާ ނަމަވެސް ފެނުނު ތަރައްގީއެއް ނެތް ކަމަށާ ފެނިގެން ދިޔައީ އެބަޔަކު ރުހޭ މީހުންނާ ގާތް ތިމާގެ މީހުންގެ ޖީބުތައް ބޮޑުވެގެން ދިޔަ މަންޒަރު ކަމަށްވެސް ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ ޒަރިަޔންދު ހޮވުނު ނަމަވެސް ރައްޔިތުންގެ ފައިދާއަށް ކޮންމެހެން ކުރަން ޖެހޭ ކަމެއް ކުރުމަށް ނޫނީ އޭނާގެ އަރިހުން އެދިވަޑައިގަންނަވާނެ ކަމެއް އެމަނިކުފާނުގެ ފަރާތްޕުޅުން ނޯންނާނެ ކަމަށެވެ.
