ދިރިއުޅެވޭ ސިޓީއެއް ބިނާކޮށް، ކަރާމާތާއެކު ޒުވާނުން ވަޒީފާތަކާ ގުޅުވައިދިނުމަކީ އެނާގެ އެންމެ އިސް ވާޖިބެއްގެ ގޮތުގައި ވާނެ ކަމަށް މާލޭގެ މޭޔަރު ކަމަށް ނުކުންނަވާ ހުންނެވި ގައުމީ ކެންޑިޑޭޓު އިސްމާއިލް ޒަރިޔަންދު ވިދާޅުވެއްޖެއެވެ.
ޒަރިޔަންދު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
ޒަރިޔަންދުގެ ޕޯސްޓުގައި ވިދާޅުވެފައިވަނީ، މިއަދު މިގައުމުގެ ޒުވާނުންނަށް ދިމާވެފައިވާ އެންމެ ބޮޑު އެއް ވަބާ ކަމަށްވާ މަސްތުވާތަކެތީގެ ވަބާގެ ތެރެއަށް ޒުވާނުން ޣަރަގުވެގެންދާން އޭނާގެ މޭޔަރުކަމެއްގައި ދޫކޮށްނުލާނެ ކަމަށާ ޒުވާނުންނަކީ މަސްތުވުމަށް ދެވިހިފާފައިވާ ބައެއްގެ ގޮތުގައި ދޫކޮށްނުލާ އެ ޒުވާނުންނަށް ކަރާމާތްތެރި ކަމާއެކު ދިރިއުޅެވޭނެ ސިޓީކަމަށް މާލެ ހަދައިދޭނެ ކަމަށެވެ.
އެގޮތުން އެންޑީއޭ، ނެއިބަރހުޑް ޕޮލިސް، އަދި ވޯޑް ޓީމުތަކާ ކޯޑިނޭޓްކޮށްގެން، މަސްތުން ސަލާމަތްކުރަން ޖެހޭ ޒުވާނުން ދެނެގަނެ، ތަމްރީނުކޮށް، ވަޒީފާތަކާ ގުޅުވައިދޭނީ، ހުރިހާ އެންމެން ގުޅިގެން ކަމަށް ވެސް ޒަރިޔަންދު ވިދާޅުވެފައިވެއެވެ.
ޒަރިޔަންދު މިފަދައިން ވިދާޅުވެފައިވާއިރު، މިއަދު ވަޒީފާތައް ނުލިބި ކިޔަވައިގެން ތިބި ޒުވާނުން މަގު އޮޅިފައިވާއިރު މިއީ ޒުވާނުންނަށް ލިބޭނެ އުފާވެރިކަމަކަށް ވާނެއެވެ.
