މިދިޔަ ބުރާސްފަތި ދުވަހު ނައިޖީރިއާގައި މަދުވެގެން 287 ސްކޫލް ކުދިން ރަހީނުކޮށް، އެކުދިންގެ ބަދަލުގައި އެއް ބިލިއަން ނައިރާ (621،848 ޑޮލަރު) ހޯދުމަށް ޑިމާންޑްކޮށް، އެ ޑިމާންޑްތައް ނުދީފިނަމަ ހުރިހާ ދަރިވަރުން މަރާލާނެ ކަމުގެ އިންޒާރު ދީފިއެވެ.

"އެމީހުން އިއްޔެ (އަންގާރަ ދުވަހުގެ) މެންދުރު 12 ޖަހާއިރު ގާތްގަނޑަކަށް 16 މިނެޓް ހާއިރު ކާކުކަން ނޭނގޭ ނަންބަރަކުން އަހަންނަށް ގުޅައި، ދަރިވަރުންގެ ދޫކުރަން 1 ބިލިއަން ނައިރާ (621،848 ޑޮލަރު) ޑިމާންޑް ކުރި. އެމީހުން ބުނީ މުއްދަތު ކުދިން ރަހީނުކުރި ތާރީހުން ފެށިގެން ތިން ހަފްތާ ނުވަތަ 20 ދުވަހަށް ދެމިގެންދާނެ ކަމަށާއި ސަރުކާރުން ފިޔަވަޅެއް ނާޅާނަމަ އެ ހުރިހާ ކުދިން މަރާލާނެ ކަމަށް،" ކުރިގާ އަވަށުގެ ރައްޔިތެއް ކަމަށްވާ އަމީނޫ ޖިބްރީލް ވިދާޅުވި އެވެ.

އެ ކުދިން ރަހީނުކޮށްފައިވަނީ މާޗް މަހުގެ ހަތް ވަނަ ދުވަހު އެވެ.

އަދި ޖިބްރިލް ސީއެންއެން އަށް ވިދާޅުވީ ރަހީނު ކުރީ "އެމީހުންގެ ގޭންގް މެމްބަރުން މަރާލި ކަމަށް ބުނެ ސަރުކާރާއި ސަލާމަތީ އިދާރާތަކަށް ބަދަލު ހިފުމުގެ ގޮތުން" ކަމަށް ވެސް ޖިބްރިލް ބުންޏެވެ.

ކުރިގާ ކޮމިއުނިޓީގެ މެމްބަރު ބުނީ ރަހީނުކުރި މީހުންނަށް އޭނާގެ ނަންބަރު ލިބުނީ އެ ސްކޫލްގެ ޖޫނިއާ ސެކަންޑަރީ ސެކްޝަންގެ ވެރިޔާގެ އަތުން ކަމަށް ގަބޫލުކުރާ ކަމަށާއި އޭނާ ވެސް ރަހީނުކުރި ދަރިވަރުންނާ އެކު ރަހީނު ކުރި ކަމަށެވެ.

ބުރާސްފަތި ދުވަހުގެ ހެނދުނުގެ ވަގުތެއްގައި ހަތިޔާރު އެޅި މީހުން ސައިކަލުގައި 300 އަށް ވުރެ ގިނަ ދަރިވަރުން ގެންދިޔައީ ކަޑޫނާގެ ޗިކުން ޑިސްޓްރިކްޓްގެ ކުރިގާ އަވަށުގެ އެލްއީއޭ ޕްރައިމަރީ އެންޑް ސެކަންޑަރީ ސްކޫލުން ކަމަށް އެ ސްޓޭޓްގެ ފުލުހުންގެ ތަރުޖަމާނު މަންސޫރު ހަސަން ހުކުރު ދުވަހު ސީއެންއެން އަށް ވިދާޅުވި އެވެ.

އޭގެ ތެރެއިން ބައެއް ދަރިވަރުން ސަލާމަތް ކުރި ނަމަވެސް، 287 ދަރިވަރުން އަދިވެސް ތިބީ ރަހީނުކުރި މީހުންނާ އެކުގަ އެވެ. އޭގެ ތެރެއިން 100 އެއްހާ ކުދިންނަކީ ޕްރައިމަރީ ސްކޫލުގެ ކުދިން ކަމަށާއި ބާކީ ތިބި ކުދިންނަކީ ސެކަންޑަރީ ސްކޫލުގެ ކުދިންނެވެ.

ކަދޫނާގެ ގަވަރުނަރު އުބާ ސާނީ ބުރާސްފަތި ދުވަހު ނެރުނު ބަޔާނެއްގައި ވިދާޅުވީ އޭނާގެ ސަރުކާރުން "ދަރިވަރުންނާއި ދަރިވަރުން ރައްކާތެރިކަމާއެކު އެނބުރި އައުމަށް ކުރެވެން ހުރި ހުރިހާ މަސައްކަތެއް ކުރަމުންދާ" ކަމަށެވެ.

އަދި ހަމަލާގެ ތެރޭގައި ރަހީނުކުރި މީހުންނާ ކުރިމަތިލި އާންމު މީހަކު މަރުވެފައިވާ ކަމަށް ވެސް ސާނީ ވިދާޅުވި އެވެ.