ޔޫކްރޭނުން ރަޝިޔާގެ ބެލްގޮރޯޑް ބޯޑަރު ސަރަހައްދަށް މަދުވެގެން އަށް ހަމަލާދީ، މިހަމަލާ ތަކުގައި ދެ މީހަކު މަރުވެ 12 މީހުން ޒަޚަމްވެފައިވާ ކަމަށް ލޯކަލް އޮފިޝަލުން ބުރާސްފަތި ދުވަހު ބުނެފި އެވެ.
އަދި ހަމަ އެ ސަރަހައްދާއި އަވަށްޓެރި ކަރސްކްގައި ޔޫކްރޭންގެ ސިފައިން ބޯޑަރު ހުރަސްކޮށް ވަދެގަތުންތައް ވެސް ރަޝިޔާއިން ފަހަތަށް ޖައްސާފައިވާ ކަމަށް ވެސް ރަޝިޔާއިން ބުނެފައިވެ އެވެ.
މޮސްކޯއިން ބުނާ ގޮތުގައި އެގައުމުގެ ސިފައިން ވަނީ ޔޫކްރޭންގެ 195 ސިފައިން މަރާލައި، ފަސް ޓޭންކާއި ހަތަރު އާމަރޑް އިންފެންޓްރީ ވެހިކަލް ނައްތާލާފަ އެވެ.
ހަނގުރާމަ ފެށުނު ފަހުން އެ ސަރަހައްދުގައި ބޯޑަރު ހުރަސްކޮށް ދޭ ހަމަލާތައް ދޭތެރެ ދޭތެރެއިން ހިނގާފައިވެއެވެ.
މި ހަމަލާތައް ދީފައިވަނީ ރަޝިޔާގެ ރިޔާސީ އިންތިހާބުގެ ކުރިން ކްރެމްލިން ތަޅުވާލަން ކިއެވް އިން މަސައްކަތް ކުރަމުންދާ ދަނޑިވަޅެއްގައެވެ.
