ދިވެހި "އޯޑިނަރީ އިލެކްޓްރޯނިކް ޕާސްޕޯޓް" ދޫކުރުން މެދުކަނޑާލައިފިއެވެ
އެފަދަ ޕާސްޕޯޓު ދޫކުރުން ހުއްޓާލާފައިވަނީ ޕްރިންޓް ކުރުމަށް ބޭނުންވާ ބައެއް ސާމާނު ނުގެނެވި ލަސްވުމުން، އެ ޕާސްޕޯޓުގެ ބުކްލެޓުތައް ރާއްޖެއިން ހުސްވެގެން ކަމަށް މައުލޫމާތު ލިބެއެވެ.
އިމިގްރޭޝަނުން ހާމަކޮށޤފައިވާ ގޮތުގައި، ނުގެނެވި ލަސްވަނީ، އީ- ޕާސްޕޯޓް ޕްރިންޓު ކުރުމަށް ބޭނުން ކުރާ "ޕާސްޕޯޓް ބުކްލެޓް"ގެ ސްޓޮކް ކަމަށެވެ. އެހެންކަމުން، މާދަމާއިން ފެށިގެން އޯޑިނަރީ ޕާސްޕޯޓަށް އެދި ހުށަހަޅާ މީހުންނަށް ދެން ދޫކުރާނީ "ނޮން-އިލެކްޓްރޯނިކް ޕާސްޕޯޓް" ކަމަށް އެ އިދާރާ އިން ވަނީ ބުނެފައެވެ.
މިގޮތަށް ނިންމީ އޯޑިނަރީ އިލެކްޓްރޯނިކް ޕާސްޕޯޓުގެ ސްޓޮކް މެނޭޖްކުރުމުގެ ބޭނުމުގައި ކަމަށް ވެސް އިމިގްރޭޝަނުން ބުނެފައިވެއެވެ.
ނޮން- އިލެކްޓްރޯނިކް ޕާސްޕޯޓަކީ ވެސް އިންޓަނޭޝަނަލް ސިވިލް އޭވިއޭޝަން އޮތޯރިޓީ (އައިކާއޯ)ގެ މިންގަނޑުތަކާ އެއްގޮތް ކަމަށާ އެ ޕާސްޕޯޓަކީވެސް ފަސް އަހަރު ދުވަހުގެ މުއްދަތަށް ދޫކުރާ މެޝިން ރީޑަބަލް ޕާސްޕޯޓެކެވެ.
މިއީ ދިވެހިރާއްޖޭގައި މިފަދަ ކަމެއް ދިމާވި ފުރަތަމަ ފަހަރުކަމަށް ވެއެވެ.
