ގައުމުތަކުގައި ފައިސާއާއި ނުފޫޒު ގިނަ ފަހަރަށް ނިމޭނީ ކޮންމެވެސް އިލްމުވެރިއަކާ އެކު ކަންކަން ހިނގާ ގޮތް ނިންމުމަށް ކަމަށް ވިޔަފާރިވެރިޔާ މުހައްމަދު ފިރާގު ވިދާޅުވެއްޖެއެވެ.
އެކްސްގައި، ކުރެއްވި ޕޯސްޓެއްގައި ފިރާގު ވަނީ ދީން ހަތިޔާރަކަށް ގިނަ މީހުން ނަގަމުންދާ ދިއުމަށް އިޝާރަތްކުރައްވާފައެވެ.
އެގޮތުން އޭނާ ވިދާޅުވެފައިވަނީ، ހިތާމައަކީ ސިޔާސީ ނުފޫޒު މިހާރު ގާތްގަނޑަކަށް ކޮންމެ ވިޔަފާރީގެ ދާއިރާއަކަށް ވެސް ފޯރާއިރު، ބައެއް މީހުން ދީނުގެ ފައިދާ ވެސް އަމިއްލަ ނުވަތަ ސިޔާސީ ފައިދާއެއް ހޯދާ ކަމަށެވެ.
މިއީ ހަމައެކަނި ދިވެހިރާއްޖެއިން މުސްލިމް ގައުމެއްގެ ގޮތުގައި ފެންނަ ކަމެއް ނޫން ކަން ފާހަގަކުރައްވާ ފިރާގު ވަނީ، ނަމަވެސް ބައެއް ހާލަތްތަކުގައި އަޅުގަނޑުމެން މިކަން އެހެން މީސް މީހުންނަށް ވުރެ މާ ދުރަށް ގެންދާހެން ހީވާ ކަމަށް ވިދާޅުވެފައެވެ.
ބައެއް ފަހަރު އުސޫލުތަކާއި އަގުތަކުގެ ވާހަކަ ވަރުގަދައަށް ދައްކާއިރު، ހަގީގަތުގައި ފައިސާއާއި ނުފޫޒު ގިނަ ފަހަރަށް ނިމޭނީ މިފަދަ ކޮންމެވެސް އިލްމުވެރިއަކާއެކު ކަންކަން ހިނގާ ގޮތް ނިންމުމަށް ކަމަށް ވިދާޅުވެ ފިރާގު ވަނީ ދީން ހަތިޔާރަކަށް ނަގާ މީހުންނަށް މެސެޖެއް ދޫކުރައްވާފައެވެ.
