އެމެރިކާގެ މިސިސިޕީގެ ކުރީގެ ފުލުސް އޮފިސަރު ހަންޓާ އެލްވާޑްގެ ކަޅު ނަސްލުގެ ދެ މީހަކަށް އަނިޔާކުރި ކަން ސާބިތުވެ 20 އަހަރަށް ޖަލަށް ލުމަށް ހުކުމްކޮށްފި އެވެ.

އެލްވާޑް އަކީ މި ހަފްތާގައި ހުކުމް އިއްވަން ޖެހޭ ހަ އޮފިސަރުންގެ ތެރެއިން ފުރަތަމަ އޮފިސަރެވެ.

2023 ވަނަ އަހަރު ކޯޓު އަމުރެއް ނެތި ގެއަށް ވަދެ ތަޅައި، ސްޓަން ބަޑިން ކަރަންޓު ޖައްސާ، ޖިންސީ ގޯނާ ކުރިއިރު، އޭގެ ތެރެއިން އެކަކުގެ އަނގައަށް ވެސް ބަޑިޖަހާފައިވެ އެވެ.

އެ ގުރޫޕުން ވަނީ އޮގަސްޓް މަހު ފެޑެރަލް ސިވިލް ރައިޓްސްގެ ކުށްތަކަށް އިއުތިރާފުވެފަ އެވެ.

އެލްވާޑްގެ ހުކުމް އިއްވުމަށް ފަހު އަނެއް ފަސް މީހުން ކަމަށްވާ ކްރިސްޓިއަން ޑެޑްމޮން، ބްރެޓް މެކްއަލްޕިން، ޖަރފްރީ މިޑިލްޓަން، ޑޭނިއަލް އޮޕިޑްކޭ އަދި ޖޯޝުއާ ހާޓްފީލްޑްއަށް ވެސް ހުކުމް ކުރާނެއެވެ. އެ އެންމެންނަކީ ވެސް ދޮން ނަސްލުގެ މީހުންނެވެ. އަދި އަމިއްލައަށް 'ގޫން ސްކޮޑް' ގެ ނަން ދީފައިވެއެވެ.

ޕްރޮސެކިއުޓަރުން ބުނި ގޮތުގައި އެ އޮފިސަރުން އެ ގެއަށް ވަދެފައި ވަނީ ޝައްކު ކުރެވޭ ކަންތައްތަކެއް ހިނގާ ކަމަށް ރިޕޯޓް ކުރުމުންނެވެ.

އެލްވާޑް ވަނީ ޖެންކިންސްގެ އަނގައަށް ބަޑިޖަހާފައެވެ. މިކަމުގެ ސަބަބުން، އޭނާގެ ދޫ ކަނޑައިގެން ގޮސް، ދަތްދޮޅި ފަޅައިގެން ގޮސްފައިވެއެވެ.

އެލްވާޑް ވަނީ ކޯޓުގައި ޖެންކިންސްގެ ކިބައިން މައާފަށް އެދިފައެވެ.

ހޯމަ ދުވަހު ޖެންކިންސް އާއި ޕާކަރ ވަނީ ކުރީގެ އޮފިސަރުންގެ މައްޗަށް "އެންމެ ހަރުކަށި ހުކުމް" އިއްވުމަށް ގޮވާލާފައެވެ.

"އަހަންނަށް، އަހަރެމެންނަށް ވަރަށް އުނދަގޫވި" ޖެންކިންސް އެސޯސިއޭޓެޑް ޕްރެސްއަށް ދިން އިންޓަވިއުއެއްގައި ބުންޏެވެ. "އަހަރެމެން މިތިބީ އެންމެ ހެވަށް އުންމީދުކޮށް އެންމެ ގޯސް ހާލަތަށް ތައްޔާރުވަމުން"

އެ މައްސަލައިގައި ހިމެނޭ ހަ އޮފިސަރުންގެ ތެރެއިން ތިން އޮފިސަރުން ވަނީ 28 އަހަރުގެ ދޮން ނަސްލުގެ މީހަކާ ގުޅުން ހުރި އެހެން ހާދިސާއަކަށް ވެސް އިއުތިރާފުވެފަ އެވެ. އެ ހާދިސާގެ ތަފްސީލް އަދި ސާފެއް ނުވެއެވެ.