ބުރާސްފަތި ދުވަހުގެ ފަތިހުގެ ކުރިން ކިއެވްއަށް ދެ ޑަޒަނަށް ވުރެ ގިނަ މިސައިލް ރަޝިޔާއިން ފޮނުވާލިއިރު، މިއީ ހަ ހަފްތާގެ ތެރޭގައި ޔޫކްރޭނުގެ ވެރިރަށަށް ދިން ފުރަތަމަ ހަމަލާއެވެ. މި ހަމަލާތަކުގެ ސަބަބުން އާންމުން ވަނީ ބިމު އަޑީ ސަބްވޭ އަށް ސަލާމަތްވުމަށް ވަދެފަ އެވެ.

އެއާ ޑިފެންސް އިން ފޮނުވި 31 މިސައިލް ވެސް ވައްޓާލި ނަމަވެސް ވެއްޓުނު މިސައިލްގެ ހަލާކުވެފައިވާ ބައި ތަކުން އިމާރާތްތަކަށް ގެއްލުންވެ ކުޑަކުއްޖަކު ހިމެނޭ ހެން 13 މީހަކަށް އަނިޔާވެފައިވާ ކަމަށް އޮފިޝަލުން ބުނެއެވެ.

ގާތްގަނޑަކަށް ތިން ގަޑިއިރު ވަންދެން ވައިގެ ހަމަލާތަކުގެ ސައިރެންތައް މެދުނުކެނޑި ކުރިޔަށްދިޔައިރު ގާތްގަނޑަކަށް 3،000 ކުޑަކުދިން ހިމެނޭ ގޮތަށް ގާތްގަނޑަކަށް 25،000 މީހުން ސަބްވޭ ސްޓޭޝަންތަކުގައި ހިޔާވަހިކަން ހޯދާފައިވާ ކަމަށް އޮފިޝަލުން ބުންޏެވެ.

ގޮވުމުގެ ސަބަބުން އެޕާޓްމަންޓުގެ ދޮރާއި ކުޑަދޮރު ހަލާކުވެފައިވާ އުމުރުން 71 އަހަރުގެ ރައިސާ ކޮޒެންކޯ ބުނީ އޭނާގެ ދަރިފުޅަށް އެނދުން ފުންމާލެވުނީ ކިރިޔާ ކަމަށެވެ. "އޭނާ އޮތީ ލެއިން ތަތްތެޅިފައި" ތުރުތުރު އަޅަމުން ރައިސާ ބުންޏެވެ. "އަދި ބުނަން އޮތްހާވެސް އެއްޗަކީ ... އެޕާޓްމަންޓް މުޅިން ހަލާކުވެއްޖެ."