އަންހެން ކަނބަލުންގެ ތެރޭ މަގުބޫލުކަން ހޯދައިފައިވާ "ނޯޓް ކޮސްމެޓިކްސް" ގެ މުޅިން އައު ފިހާރައެއް ހުޅުމާލޭގައި ހުޅުވައިފިއެވެ.

ހުޅުމާލޭ ފުރަތަމަ ފިޔަވަހީގައި ހުންނަ މި ފިހާރަ ހުޅުވުމުގެ ރަސްމިއްޔާތު ޝަރަފްވެރިކޮށްދެއްވީ ކުރީގެ ޓްރާންސްޕޯޓް މިނިސްޓާރ އައިޝަތު ނަހުލާ، މަޝްހޫރު ލަވަކިޔުންތެރިޔާ މަރިޔަމް އަޝްފާ އަދި އައިޝަތު އަފްނާން ރަޝީދެެވެ.

މި ފިހާރަ ހުޅުމާލޭގައި ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ނޯޓް ކޮސްމެޓިކްގެ ސީނިއާރ މާރކެޓިންގ އެންޑް ސޭލްސް މެނޭޖާރ އަހްމަދު ނިޔާޒް ވިދާޅުވީ ނޯޓަކީ ފުޅާ ދާއިރާއެއްގައި ރާއްޖޭގައި ބޭނުންކުރާ މޭކަޕް އެއް ބްރޭންޑްކަމަށެވެ. އަދި ރާއްޖޭގައި އެންމެ ގިނަ ކަނބަލުން ބޭނުން ކުރާ މޭކަޕް ބްރޭންޑްކަމަށްވެސް ނިޔާޒް ވަނީ ވިދާޅުވެފައެވެ.

އެހެންކަމުން ނިޔާޒް ވިދާޅުވީ ހުޅުމާލޭގައި ދިރިއުޅޭ އަންހެން ކަނބަލުން މާލޭގައި ހުންނަ ނޯޓްގެ ފިހާރަ އަށް ދަތުރުކޮށްގެން ގޮސް ވިޔަފާރި ނުކޮށް ފަސޭހަގޮތެއްގައި ހުޅުމާލޭން ވިޔަފާރިކުރެވޭނެ އިންތިޒާމް ހަމަޖެއްސުމުން އެއީ ނޯޓަށްވެސް އަދި އެހެން ފަރާތްތަކަށްވެސް ލިބުނު ވަރަށް ބޮޑު ކާމިޔާބީ އެއް ކަމަށެވެ.

ނޯޓްގެ އައު ފިހާރައިގެ އިތުރުން ޕްރީމިއަމް ޖިމް ވިއަރ ކަމަށްވާ ސްކޮޓް ވުލްފްގެ އައުޓްލެޓެއްވެސް ވަނީ ހުޅުވާފައެވެ.

އޭގެއިތުރުން ނިޔާޒް ވަނީ އޭޕްރިލް މަހުގެ 26 ވަނަ ދުވަހު އޮންނަ "ނޯޓް ރަން" ގެ ވާހަކަވެސް ފާހަގަކުރައްވާފައެވެ. މި ރަން އިންތިޒާމްކުރުމުގެ މައިގަނޑު މަގްސަދަކީ އަންހެނުން ބާރުވެރިކުރުން ކަމަށެވެ. މި ރަން ގައި ބަައިވެރިވެގެން ތުރުކީ ދަތުރުގެ ޓިކެޓް އަދި 2 ލައްކަ ރުފިޔާގެ އަގުހުރި އިނާމްތައް ލިބިގެންދާނެ ކަމަށްވެސް ނިޔާޒް ވަނީ ފާހަގަކުރައްވާފައެވެ.

ހުޅުމާލޭގައި ހުޅުވިގެން ދިޔަ ނޯޓް ފިހާރައިން މާލޭ ނޯޓް ފިހާރަތަކުން ލިބޭ ހުރިހާ މޭކަޕްގެ ޕްރޮޑަކްޓްތައް ލިބިގެންދާނެއެވެ.