ސެނެގާލްގެ ސިޔާސީ ހަމަނުޖެހުންތަކާހެދި ދުވަސްތަކެއް ލަސްވުމަށްފަހު ރިޔާސީ އިންތިޚާބުގައި ވޯޓުލުން ފެށިއްޖެއެވެ.

ރިޔާސީ ކެންޑިޑޭޓުންނަށް 17 މީހަކު ވާދަކުރާ އިރު ވޯޓުލާ މީހުންގެ ދިގު ކިޔޫތައް ފެނިގެން ދިޔަ އެވެ.

މަގާމުން ވަކިވެވަޑައިގަންނަވާ ރައީސް މެކީ ސަލް ވަނީ ކެންޑިޑޭޓުންނަށް އިންތިޚާބުގެ ނަތީޖާ އިއުލާނު ނުކުރަނީސް އަމިއްލައަށް މޮޅުވި ކަމަށް އިއުލާން ނުކުރަން ބުނެފައެވެ.

މިދިޔަ މަހު އިންތިޚާބު ބާއްވަން ޖެހުނު ނަމަވެސް ސަލް ވަނީ އެ އިންތިޚާބު ފަސްކޮށްފައެވެ. މިކަމާ ދެކޮޅަށް އިދިކޮޅު ފަރާތްތަކުން ވަނީ މުޒާހަރާކޮށްފައެވެ.

ސެނެގާލްގައި ހަތް މިލިއަން މީހުންނަށް ވޯޓުލުމުގެ ހައްގު ލިބުނެވެ.

ސެނެގާލްގެ އެންމެ މަތީ މަގާމަށް ވާދަކުރާ މީހުންގެ ތެރޭގައި ގަވަރުނަރު ބީބީއައި ކޯލިޝަންގެ ކެންޑިޑޭޓް ކުރީގެ ބޮޑުވަޒީރު އަމާޑޫ ބާ، 62، ހިމެނޭއިރު، ވެރިރަށް ޑަކާރުގައި ވޯޓު ދެއްވުމަށް ފަހު އޭނާ ވިދާޅުވީ ފުރަތަމަ ބުރުން އިންތިހާބު ކާމިޔާބުވާނެ ކަމުގެ "ވަރަށް ޔަގީންކަން" އޮތް ކަމަށެވެ.

އޭނާއާ ވާދަކުރާ ބަސިރޫ ޑިއޯމޭ ފޭ ވެސް ވަނީ އޭނާގެ ދެ އަނބިކަނބަލުންނާ އެކު ޑަކާރާ ގާތްގަނޑަކަށް 100 ކިލޯމީޓަރު (62 މޭލު) ދުރުގައި އޮންނަ އޭނާގެ އުފަން ރަށް ންޑިއަގަނިއާއޯގައި ވޯޓު ދިނުމަށް ފަހު މިފަދަ ޝުއޫރު ފާޅުކޮށްފައެވެ.