ހުޅަނގު އައްސޭރީގައި އިސްރާއީލުގެ ޓެރަރިސްޓުންގެ އުދުވާނުގައި އެކަކު ޝަހީދުވެއްޖެއެވެ.

އިސްރާއީލުން ހިފާފައިވާ ހުޅަނގު އައްސޭރީގައި އޮންނަ ފަލަސްތީނުގެ އަވަށަކަށް އިސްރާއީލުގެ ޔަހޫދީ ޓެރަރިސްޓުން ހުކުރު ދުވަހު ވަދެ ބަޑިޖަހައި ގެތަކާއި ކާރުތަކުގައި ރޯކޮށްލައިފި އެވެ. މި އުދުވާނުގައި ފަލަސްތީނުގެ މީހަކު ޝަހީދުވެ 25 މީހަކު ޒަޚަމްވެފައިވާ ކަމަށް ފަލަސްތީނުގެ ސިއްހީ އޮފިޝަލުން ބުނެއެވެ.

މި ހަމަނުޖެހުންތަކަކީ ޣައްޒާގައި އިސްރާއީލުގެ ހަނގުރާމައާ އެކު ހުޅަނގު އައްސޭރީގައި ހިނގަމުންދާ ހަމަނުޖެހުންތަކުގެ ތެރެއިން އެންމެ ފަހުން ހިނގި ހަމަނުޖެހުންތަކެވެ. އިސްރާއީލުގެ ހައްގުތަކާ ބެހޭ ޖަމާއަތަކުން ބުނީ ވަޒަންވެރިން ހޯދަމުން ދިޔައީ އެމީހުންގެ އާބާދީން ގެއްލިގެން ހޯދަމުން އަންނަ 14 އަހަރުގެ ކުއްޖަކު ކަމަށެވެ. މި ހަމަލާތަކަށް ފަހު އިސްރާއީލު ސިފައިން ބުނީ އަދިވެސް އެ ފުރާވަރުގެ ކުއްޖާ ހޯދުމުގެ މަސައްކަތް ކުރަމުންދާ ކަމަށެވެ.

ފަލަސްތީނުގެ ސިއްހީ އޮފިޝަލުން ބުނާ ގޮތުގައި އޮކްޓޯބަރު މަހު ހަނގުރާމަ ފެށި ފަހުން ހުޅަނގު އައްސޭރީގައި އިސްރާއީލުން ފަލަސްތީނުގެ 460 އަށް ވުރެ ގިނަ މީހުން ޝަހީދުކޮށްލާފައިވާ ކަމަށެވެ.

އިސްރާއީލުގެ އިންސާނީ ހައްގުތަކާ ބެހޭ ޖަމިއްޔާ ޔެޝް ދީން ބުނީ ހުކުރު ދުވަހުގެ ރޭ ދަންވަރު އަލްމުޣައްޔިރު އަވަށަށް ޔަހޫދީ ޓެރަރިސްޓުން ވަދެ އިސްރާއީލުގެ ކުއްޖާ ހޯދުމުގެ މަސައްކަތް ކުރި ކަމަށެވެ. އެ ޖަމާއަތުން ބުނެފައިވާ ގޮތުގައި ޓެރަރިސްޓުން ބަޑިޖަހައި އެރަށުގެ ގެތަކުގައި އަލިފާން ރޯކުރަމުން ދިޔަކަމަށެވެ.

ފަލަސްތީނުގެ ހެލްތު މިނިސްޓްރީން ބުނީ އެކަކު ޝަހީދުވެފައި އޮއްވާ ހޮސްޕިޓަލަށް ގެނައިކަމަށެވެ. އަދި 25 މީހަކަށް ޒަޚަމްވެފައިވާތީ ފަރުވާ ދީފައިވާ ކަމަށެވެ. ފަލަސްތީން ރެޑް ކްރެސެންޓް ސޮސައިޓީން ބުނީ ޒަހަމްވި މީހުންގެ ތެރެއިން އަށް މީހުންގެ ގައިގައި އަލިފާން ޖެހިފައިވާ ކަމަށެވެ.

ޝަހީދުވި މީހާއަކީ އުމުރުން 26 އަހަރުގެ ޖިހާދު އަބޫ އާލިޔާ ކަމަށް އާއިލާއިން ފަހުން ވަނީ ބުނެފައެވެ. އޭނާގެ ބައްޕަ އަފީފް އަބޫ އާލިއާ ބުނީ މަރުވި ވަޒަން ޖެހީ ހަތިޔާރު އެޅި ވަޒަންވެރިއަކު ކަމެއް ނުވަތަ އިސްރާއީލުގެ ސިފައިންގެ މީހަކު ކަމެއް ޔަގީން ނުވާ ކަމަށެވެ.

"އަހަރެންގެ ދަރިފުޅު އެހެން މީހުންނާ އެކު ދިޔައީ އަހަރެމެންގެ ބިމާއި ޝަރަފު ދިފާއު ކުރަން، އަދި މިއީ ކަން ހިނގި ގޮތް،" ދަރިފުޅުގެ ހަށިގަނޑު ގެންދިޔަ ހުޅަނގު އައްސޭރީގެ ސިޓީ ރަމަاللهގެ ހޮސްޕިޓަލަކުން އަބޫ އާލި

އާ ބުންޏެވެ.