ސިޑްނީގެ ބިޒީ ޝޮޕިން ސެންޓަރެއްގައި ހޮނިހިރު ދުވަހު ހަ މީހަކަށް ވަޅިން ހަމަލާދީ މަރާލާފައިވާ ކަމަށް ފުލުހުން ބުނެފި އެވެ. މިހަމަލާގައި 9 މަހުގެ ކުއްޖަކު ހިމެނޭ ގޮތަށް އަށް މީހަކަށް އަނިޔާވެފައިވެއެވެ.

ނިއު ސައުތު ވޭލްސްގެ އެސިސްޓެންޓް ޕޮލިސް ކޮމިޝަނަރު އެންތޮނީ ކޫކް ވިދާޅުވީ އުމުރުން 40 އަހަރުގެ ޝައްކު ކުރެވޭ މީހާ ސިޓީގެ އިރުމަތީ ސަރަހައްދުގައި އޮންނަ ބޮންޑީ ޖަންކްޝަންގެ ވެސްޓްފީލްޑް ޝޮޕިން ސެންޓަރުގައި މީހުންނަށް ވަޅިން ހަމަލާދޭން ފެށި ކަމަށެވެ.

އޭގެ ތެރެއިން ހަ މީހުން، ފަސް އަންހެނުންނާއި ފިރިހެނަކު — އަދި ޝައްކު ކުރެވޭ މީހާ މަރުވެފައިވެ އެވެ. ކޮމިޝަނަރު ކެރެން ވެބް ވިދާޅުވީ ޒަހަމްވި އަށް މީހުންނަށް ހޮސްޕިޓަލްތަކުގައި ފަރުވާ ދެމުން އަންނަ ކަމަށެވެ. ތުއްތު ކުއްޖާގެ ސާޖަރީއެއް އޮތް ނަމަވެސް އެ ކުއްޖާގެ ހާލަތު އެނގެން މާ އަވަސް ކަމަށް ވެސް ބުންޏެވެ.

"އަޅުގަނޑުމެންނަށް ޔަގީން އިތުރު އެއްވެސް ނުރައްކަލެއް ނެތްކަން". އަދި ވިދާޅުވީ އެއީ ޓެރަރިޒަމްގެ ހާދިސާއެއް ނޫން ކަމަށެވެ.