ޣައްޒާގައި ހިނގަމުންދާ ހަނގުރާމައާ ދެކޮޅަށް ދަރިވަރުންގެ މުޒާހަރާތައް ކުރިއަށްދާއިރު، އެމެރިކާގެ އެކި ހިސާބުތަކުގައި ހުންނަ ކޮލެޖް ކެމްޕަސްތަކުން ހޮނިހިރު ދުވަހު ވަނީ އިތުރު އެތައް ސަތޭކަ ބަޔަކު ހައްޔަރުކޮށްފަ އެވެ.
ފުލުހުން ބަންދުކުރި މީހުންގެ ތެރޭގައި ގްރީން ޕާޓީގެ ރިޔާސީ ކެންޑިޑޭޓް ޖިލް ސްޓޭއިން ވެސް ހިމެނެ އެވެ.
މުޒާހަރާގެ ބައިވެރިން ދަނީ އިސްރާއީލާ ގުޅުން ހުރި ކުންފުނިތަކާއި ފަރުދުން މުއައްސަސާތަކުން ބޮއިކޮޓް ކުރުމަށް ޑިމާންޑް ކުރަމުންނެވެ.
ޖިލް ސްޓޭއިންގެ ތަރުޖަމާނަކު ވިދާޅުވީ އޭނާ އަކީ މިސޫރީގެ ސެއިންޓް ލޫއިސްގެ ވޮޝިންޓަން ޔުނިވާސިޓީން ހައްޔަރުކުރި ގާތްގަނޑަކަށް 80 މީހުންގެ ތެރެއިން އެކަކު ކަމަށެވެ. ގްރީން ޕާޓީގެ ރިޔާސީ ކެންޑިޑޭޓުގެ މައްޗަށް މިވަގުތު ދައުވާ އުފުލާފައިވާ ކަމަށް ބެލެވޭ ކަމެށް ނުބެލެވޭ ކަމެށް ނޭނގެއެވެ.
ކެލިފޯނިއާ ސްޓޭޓް ޕޮލިޓެކްނިކް ވެގެން ދިޔައީ ރިމޯޓް ޓީޗިން އަށް ބަދަލުވާނެ ކަމަށް އެންމެ ފަހުން އިއުލާން ކުރި ކޮލެޖަށެވެ. މުޒާހަރާތަކުގައި އިން-ޕާސަން ޓީޗިން ކެންސަލްކޮށް، ގްރެޖުއޭޝަން ހަފްލާތައް ވަނީ ފަސްކޮށްފަ އެވެ.
ކޮލަމްބިއާގެ ކޮލެޖް ގްރީންގައި ޓެންޓްތައް އެންމެ ފުރަތަމަ ފެނިފައިވަނީ 17 އޭޕްރީލްގައެވެ. އެއަށްފަހު މުޒާހަރާތައް މުޅި ގައުމަށް ފެތުރިގެން ދިޔައީ ރިއަޓް ގިއާގައި ތިބި ފުލުހުން ޓެންޓްތައް ނެގުމަށް ފޮނުވައި، 100 އަށް ވުރެ ގިނަ ދަރިވަރުން ހައްޔަރު ކުރުމުންނެވެ. އޭގެ ކުޑައިރުކޮޅެއް ފަހުން ދަރިވަރުން ވަނީ ކޮނެކްޓިކަޓްގެ ޔޭލް ޔުނިވާސިޓީގައި އިތުރު މުޒާހަރާ ކޭމްޕެއް ގާއިމްކޮށްފަ އެވެ.
ބޮސްޓަންގެ ނޯތުއީސްޓަން ޔުނިވާސިޓީގައި ކޮލެޖް ގޯތިތެރެއިން ޓެންޓްތައް ނަގަން ދެކޮޅު ހެދުމުން ހޮނިހިރު ދުވަހު މެސެޗުސެޓްސް ސްޓޭޓް ޕޮލިހުން ވަދެ 100 އަށް ވުރެ ގިނަ މީހުން ހައްޔަރުކޮށްފައިވާ ކަމަށް ފުލުހުންގެ ބަޔާނުގައިވެ އެވެ.
ނޯތުއީސްޓަން ޔުނިވާސިޓީން އެކްސްގައި ލިޔެފައި ވަނީ "މުޒާހަރާތަކަށް ވަދެފައިވަނީ ޕްރޮފެޝަނަލް އޯގަނައިޒާސް" ކަމަށާއި އެ ޔުނިވާސިޓީއާ އެއްވެސް ގުޅުމެއް ނެތް ކަމަށެވެ.
ޔުނިވާސިޓީ އޮފް ސައުތު ކެލިފޯނިއާގައި ފަލަސްތީނަށް ތާއީދުކުރާ މުޒާހަރާވެރިން އެނބުރި ކެމްޕަހަށް އައީ އެ ޔުނިވާސިޓީގެ އެލަމްނީ ޕާކުގައި މުޒާހަރާއެއް ސާފުކުރުމަށް ފުލުހުންނަށް ގޮވާލިތާ ދުވަސްތަކެއް ފަހުންނެވެ. ރިޕޯޓްތައް ބުނާ ގޮތުގައި މުޒާހަރާއަކީ ގިނައިން ސުލްހަވެރި މުޒާހަރާއެއް ނަމަވެސް ޔުނިވާސިޓީގެ އިދާރާއިން ވަނީ ހޮނިހިރު ދުވަހުގެ މުޒާހަރާއަށް ފަހު ކެމްޕަހުގެ މުދާ "ތަޅާފޮޅާ" ކަމަށް ރިޕޯޓްކޮށްފަ އެވެ.
