ވޯލްޑް ސެންޓްރަލް ކިޗަން (ޑަބްލިއުސީކޭ) ގެ ހަތް މަސައްކަތްތެރިއަކު އިސްރާއީލުން ދިން ވައިގެ ހަމަލާއެއްގައި މަރާލުމާ ގުޅިގެން ޣައްޒާގައި އިންސާނީ އެހީތެރިކަމުގެ މަސައްކަތްތަކަށް ވަރަށް ބޮޑަށް ބުރޫއެރިތާ ހަފްތާތަކެއް ފަހުން ޣައްޒާއަށް ދާން އޮތް ކާބޯތަކެތީގެ އެހީގެ ޝިޕްމަންޓެއް ހޮނިހިރު ދުވަހު ފުރައިފި އެވެ.

އެހީތެރިން މަރުވިއިރު، އޭގެ ތެރެއިން ހަ މީހުންނަކީ ބިދޭސީން، އެކަމުގެ ސަބަބުން އިސްރާއީލާ ދެކޮޅަށް ބައިނަލްއަގްވާމީ ނުރުހުން އުފެދުމުން މަރުތަކުގެ ޒިންމާ އިސްރާއީލުން ނަގާފައިވެއެވެ. އަދި މި ހާދިސާގެ ސަބަބުން މަދުވެގެން ތިން އެހީ ފޯރުކޮށްދޭ ޖަމިއްޔާއަކުން ޣައްޒާގައި ހިންގާ އޮޕަރޭޝަންތައް ހުއްޓާލިއިރު، އޭގެ ތެރޭގައި ޑަބްލިއުސީކޭ ވެސް ހިމެނެ އެވެ.

ޔުނައިޓެޑް އަރަބް އެމިރޭޓްސް އިން މިހާރު ވަނީ އެހީދޭ އިދާރާއަކާ ގުޅިގެން އިސްރާއީލުގެ ބަނދަރު އަޝްދޮދު މެދުވެރިކޮށް ޣައްޒާއަށް މުހިންމު އެހީތަކެއް ފޮނުވައިފަ އެވެ. ޔޫއޭއީގެ އޮފިޝަލަކު ހޮނިހިރު ދުވަހު ސީއެންއެންއަށް ވިދާޅުވީ މުހިއްމު ކާބޯތަކެތީގެ އެހީތަކެއް ފުރިފައިވާ އުޅަނދު ހޮނިހިރު ދުވަހު ފުރައިގެން ދިޔައީ އެމެރިކަން ނީއާ އީސްޓް ރެފިއުޖީ އެއިޑް (އަނެރާ) އާ ގުޅުން ބަދަހިކޮށްގެން ކަމަށެވެ.

"ޖެނިފާ" ނަމަކަށް ކިޔާ މި ބޯޓު ސައިޕްރަސްގެ ލާނާކާ ބަނދަރުން ފުރައިގެން ދިޔައީ ހެނދުނު 9 ޖަހާއިރު (އީޓީ ގަޑިން 2 ޖަހާއިރު) ކަމަށާއި އިސްރާއީލުގެ އަޝްޑޯޑް ބަނދަރަށް ދިއުމަށް ގާތްގަނޑަކަށް 25 އާއި 30 ގަޑިއިރު ނަގާނެ ކަމަށް ހުޅަނގު އައްސޭރީގައި ހުންނަ އަނެރާގެ އިމަޖެންސީ ރެސްޕޮންސް ޓީމް ލީޑް މޮހެނާޑް ބުންޏެވެ.

އިޓައިމް ސީއެންއެންއަށް ވިދާޅުވީ އެ 400 ޓަނުގެ އެހީ އެތަނަށް އައުމުން އިސްރާއީލުގެ ސެކިއުރިޓީ ކްލިއަރެންސް ލިބޭނެ ކަމަށެވެ. އެތަނުން ޓްރަކްތަކަށް އަރުވައި، އެއަށްފަހު ޣައްޒާއަށް ވަނުމުގެ ކުރިން ދެކުނަށް ގޮސް ކެރެމް ޝަލޮމް ބޯޑަރު ހުރަސްކުރާނެ އެވެ.