ކެންސަލްކުރި އެތައް ހާސް ފްލައިޓެއްގެ ޓިކެޓް ވިއްކައިގެން ބަދަލުގެ ގޮތުގައި 120 މިލިއަން އޮސްޓްރޭލިއަން ޑޮލަރު (79 މިލިއަން ޑޮލަރު) ދެއްކުމަށާއި ޖޫރިމަނާ ކުރަން ކަންޓަސް އެއާވޭސް އިން އެއްބަސްވެފައިވާ ކަމަށް އެ އެއާލައިނާއި އޮސްޓްރޭލިއާގެ ކޮންސިއުމާ ވޮޗްޑޮގް އިން ބުނެފިއެވެ.
އޮސްޓްރޭލިއާގެ ކޮމްޕެޓިޝަން އެންޑް ކޮންސިއުމަރ ކޮމިޝަނުން ވަނީ ސިޑްނީގައި ހުންނަ އެ އެއާލައިނާ ދެކޮޅަށް މިދިޔަ އަހަރު ފެޑެރަލް ކޯޓުގައި ދައުވާކޮށްފަ އެވެ. އެ ކޮމިޝަނުން ތުހުމަތު ކުރި ގޮތުގައި ކަންޓަސް އިން ވަނީ 2021 ވަނަ އަހަރުގެ މެއި މަހުން ފެށިގެން 2022 ވަނަ އަހަރުގެ ޖުލައި މަހުގެ ނިޔަލަށް ކުރިން ކެންސަލްކޮށްފައިވާ 8،000 އަށް ވުރެ ގިނަ ފްލައިޓުގެ ޓިކެޓް އިޝްތިހާރުކޮށް ދޮގު، އޮޅުވާލާ ނުވަތަ މަކަރުވެރި އަމަލުތަކެއް ހިންގާފަ އެވެ.
ކަންޓަސް އިން އެ މައްސަލަ ހައްލުކުރަން އެއްބަސްވީ އޮސްޓްރޭލިއާ ސަރުކާރަށް 100 މިލިއަން ޑޮލަރު (66 މިލިއަން ޑޮލަރު) ގެ ޖޫރިމަނާއަކާއި ހާލުގައި ޖެހުނު 86،000 އަށް ވުރެ ގިނަ ކަސްޓަމަރުންނަށް 20 މިލިއަން ޑޮލަރު (13 މިލިއަން ޑޮލަރު) ލިބޭނެ ކަމަށް އަންދާޒާކޮށްގެންނެވެ.
ކަންޓަސްގެ ޗީފް އެގްޒެކެޓިވް ވެނެސާ ހަޑްސަން ނެރުއްވި ބަޔާނެއްގައި ވިދާޅުވީ ގައުމީ އެއާލައިންއާ މެދު އިތުބާރު ގެނައުމަށް މަސައްކަތް ކުރަމުންދާއިރު، މިއަދަކީ މިއެޅީ އިތުރު މުހިންމު ފިޔަވަޅެއް ކަމަށެވެ.
