ޔޫކްރެއިންގެ އިރު އުތުރުގައި އޮންނަ ދެވަނަ ސިޓީ ކަމަށްވާ ޚަރްކީވް ކައިރީގައި ހުކުރު ދުވަހު ރަޝިއާ ސިފައިން ހަތިޔާރު އެޅި އެއްގަމު އުޅަނދުފަހަރަށް ހަމަލާދީ ކުދި ކުދި މަގުތައް ހަދައި، އިރުމައްޗާއި ދެކުނުގައި ޒަމާނުއްސުރެ ހިނގަމުން އަންނަ ހަނގުރާމައިގެ އާ ފްރަންޓެއް ހުޅުވައިފިއެވެ.

އެ ހިސާބުގެ ބޯޑަރު ސަރަހައްދުތަކުގައި ހިނގަމުން ދާ ހަނގުރާމައަށް ޔޫކްރޭނުން އިތުރު ސިފައިން ފޮނުވި ކަމަށް ޑިފެންސް މިނިސްޓްރީން ބުނެފައިވާއިރު، ރަޝިޔާއިން ވަނީ ގައިޑެޑް އެރިއަލް ބޮންތަކާއި އާޓިލަރީތަކުން ފްރޮންޓިއާ ޓައުން ވޮވްޗަންސްކް އަށް ހަމަލާދީފަ އެވެ.

ކިއެވްގައި ބޭއްވި ނޫސްވެރިންގެ ބައްދަލުވުމުގައި ޔޫކްރޭންގެ ރައީސް ވޮލޮޑިމިއާ ޒެލެންސްކީ ވިދާޅުވީ ރަޝިޔާއިން ވަނީ މި ދިމާލަށް ކައުންޓަރ އޮފެންސިވް ފިޔަވަޅުތަކުގެ އާ ރާޅެއް ފަށާފައެވެ. "މިހާރު މި ދިމާލުގައި ވަރުގަދަ ހަނގުރާމައެއް އެބައޮތް."

ޔޫކްރޭނުން ކުރިން ވަނީ އެ ސަރަހައްދުގައި ރަޝިޔާ ސިފައިން ޖަމާވާ ކަމުގެ އިންޒާރު ދީފަ އެވެ. ނަމަވެސް ހަމަލާ ދޭނެކަމަށް އޭރަކު ބުނެލެވުނެވެ.

ހަނގުރާމައިގެ މައިދާނުގެ އަޕްޑޭޓްގައި ޔޫކްރޭންގެ ޖެނެރަލް ސްޓާފުން ފުރަތަމަ ފަހަރަށް ބުނެފައި ވަނީ ޔޫކްރޭންގެ ސުމީ ސަރަހައްދުތަކާއި ޗެރްނިހިވްގެ ބައެއް ހިސާބުތައް ކައިރީގައި ޚާކިވްގެ އުތުރުގައި ވެސް ރަޝިޔާއިން ސިފައިން ޖަމާކުރަމުންދާ ކަމަށެވެ.

ޒެލެންސްކީ ވިދާޅުވީ މި އަހަރުގެ ބަހާރު މޫސުމުގައި ނުވަތަ ހޫނު މޫސުމުގައި ރަޝިއާއިން ބޮޑު ހަމަލާއެއް ދޭން ތައްޔާރުވެދާނެ ކަމަށެވެ. ހުކުރު ދުވަހު ދިން ހަމަލާއާ ކުރިމަތިލުމަށް ކީވްގެ ސިފައިން ތައްޔާރަށް ތިބި ކަމަށާއި ނަމަވެސް މޮސްކޯއަށް އެ ސަރަހައްދަށް އިތުރު ސިފައިން ފޮނުވިދާނެ ކަމަށް ނޫސްވެރިންނާ ވާހަކަ ދައްކަވަމުން އޭނާ ވިދާޅުވިއެވެ.

ޔޫކްރޭންގެ ޑިފެންސް މިނިސްޓްރީން ބުނީ ހެނދުނު 5 ޖަހާ އެހާކަންހާއިރު ރަޝިޔާއިން އާމަރޑް އެސޯލްޓެއް ފަށާފައިވާ ކަމަށާއި ރޭ 10 ޖަހާއިރު އަޕްޑޭޓެއްގައި ޖެނެރަލް ސްޓާފުން ބުނީ ޚާރްކިވް ސަރަހައްދުގައި ކުރިއަށް ދިއުމަށް ރަޝިޔާއިން ކުރަމުންދާ މަސައްކަތްތައް ހުއްޓުވުމަށް ހަނގުރާމަތައް ކުރިއަށްދާ ކަމަށެވެ.

ނަން ހާމަކުރަން ބޭނުން ނުވާ ޔޫކްރޭންގެ އަސްކަރީ އިސް މަސްދަރަކުން ރޮއިޓާސްއަށް ބުނީ ރަޝިޔާގެ ސިފައިން ވަނީ ވޮވްޗަންސްކް ކައިރީގައި އޮންނަ ޔޫކްރޭންގެ ބޯޑަރުގެ ތެރެއަށް 1 ކިލޯމީޓަރު (0.6 މޭލު) ދުރަށް ވަދެގެންފައެވެ.

އެ މަސްދަރު ބުނީ ބަފަރ ޒޯނެއް އުފެއްދުމުގެ މަސައްކަތުގެ ތެރެއިން ޔޫކްރޭންގެ އެތެރެ 10 ކިލޯމީޓަރު ފަހަތަށް ޖައްސަން ރަޝިޔާ ސިފައިން އަމާޒު ހިފާފައިވާ ކަމަށާއި ނަމަވެސް ކިއެވްގެ ސިފައިން އެމީހުން ހިފަހައްޓަން މަސައްކަތް ކުރަމުންދާ ކަމަށެވެ.

ވައިޓް ހައުސް އިން ބުނީ ރަޝިޔާގެ ޚާރްކިވް ހަމަލާގައި އެމެރިކާއިން ޔޫކްރޭނާ ގާތުން ކޯޑިނޭޓް ކުރަމުން އަންނަ ކަމަށެވެ.

ވައިޓް ހައުސްގެ ގައުމީ ސަލާމަތުގެ ތަރުޖަމާނު ޖޯން ކިރްބީ ނޫސްވެރިންނާ ވާހަކަ ދައްކަވަމުން ވިދާޅުވީ ޚާރްކިވްއަށް ބޮޑު ހަމަލާއެއް ދިނުމަށް ރަޝިޔާއިން ތައްޔާރުވަމުންދާ ކަމީ ހަމަ ޔަގީނުން ވެސް އެކަށީގެންވާ ކަމެއް ކަމަށެވެ.

ޔޫކްރޭންގެ އިސް އޮފިޝަލުން ތަކުރާރުކޮށް ބުނެފައި ވަނީ 1.3 މިލިއަން މީހުން ދިރިއުޅޭ ޚާރްކިވް ސިޓީ ހިފުމަށް ކާމިޔާބު އޮޕަރޭޝަނެއް ފެށުމަށް ރަޝިޔާގައި ފޯސް ކެޕޭސިޓީ ހުރި ކަމަށް ގަބޫލު ނުކުރާ ކަމަށެވެ.

ޖެނެރަލް ސްޓާފުން ބުނީ ކުރިން ވެސް ކޮންޓްރޯލްގެ "ގްރޭ އޭރިއާ" އެއްގައި ހުރި ކަމަށް ފެންނަ ފްރޮންޓިއާ ތިން އަވަށެއް ކަމަށްވާ ސްޓްރިލެޗާ، ޕިލްނާ އަދި ބޮރިސިވްކާ ކޮންޓްރޯލް ކުރުމަށް ހަނގުރާމަތައް ކުރިއަށް ދިޔަ ކަމަށެވެ.

"ލިޕްސީ އާއި ވޮވްޗަންސްކް އާބާދީތަކާ ދިމާލަށް ކައުންޓަރ އޮފެންސިވް ފިޔަވަޅުތައް ކުރިއަށް އެބަދެއެވެ. ދުޝްމަނުން ބޭނުން ކުރަމުންދަނީ އިންފެންޓްރީ އާއި ސާމާނު،" ޓެލެގްރާމް އެޕްގައި ބުނެފައިވެއެވެ.

އަސްކަރިއްޔާގެ ތަރުޖަމާނު ނަޒާރު ވޮލޮޝިން ވިދާޅުވީ ހަވީރު އަދިވެސް ކުރިމަތިލުންތައް ހިނގަމުންދާ ކަމަށާއި ހާލަތު އޮތީ ޑައިނަމިކްކޮށް ކަމަށެވެ. އޭނާ ވިދާޅުވީ މޮސްކޯގެ އޮޕަރޭޝަންގެ މަގުސަދަކީ ރަޝިޔާގެ ޙަމަލާ ފޯކަސް ކުރަމުންދާ އިރުމަތިން ޚާރކިވްއަށް ސިފައިން ދަމައިގަތުން ކަމަށް ގަބޫލުކުރައްވާ ކަމަށެވެ.

ޚަރްކިވް ސަރަޙައްދުގެ ގަވަރުނަރު އޮލެހް ސިނެހުބޯވް ވިދާޅުވީ ބޯޑަރު އާބާދީތަކަށް ދިން ވަރުގަދަ ހަމަލާތަކުގައި އާންމުންގެ ދެ މީހަކު މަރުވެ ފަސް މީހަކު ޒަޚަމްވެފައިވާ ކަމަށެވެ.

ހަނގުރާމައިގެ ކުރިން 17،000 މީހުންގެ އާބާދީ މިހާރު ހާހަކަށް މަދުވެފައިވާ ވޮވްޗަންސްކްގައި ކަމާބެހޭ ފަރާތްތަކުން ބުނީ ބޮޑެތި ބޮން ގޮއްވުމުގެ ސަބަބުން އާންމުން އާބާދީއާއި ވަށައިގެންވާ ސަރަހައްދުތަކުން ސަލާމަތްވުމަށް އެހީތެރިވަމުންދާ ކަމަށެވެ.

ހަވީރު ދެއްވި ޚިޠާބުގައި ޒެލެންސްކީ ވިދާޅުވީ އޭނާގެ މަތީ ކޮމާންޑަރު އޮލެކްސަންޑް ސިރްސްކީ އޭނާއަށް ރިޕޯޓްކޮށްފައިވާ ގޮތުގައި 1،000 ކިލޯމީޓަރަށް ވުރެ ދިގު ފްރަންޓް ލައިންގައި "ބޮޑެތި ހަނގުރާމަތަކެއް" ހިނގަމުންދާ ކަމަށެވެ.

އެ އަހަރުގެ ފެބްރުއަރީ މަހު ރަޝިޔާއިން ފުރިހަމައަށް އަރައިގަތުމަށް ފަހު 2022 ވަނަ އަހަރު ޔޫކްރޭނުން ވަނީ ޚާރކިވް ސަރަހައްދުގެ ބޮޑު ބަޔަކުން ރަޝިޔާ ސިފައިން ފޮނުވާލާފައެވެ. އެކަމަކު މިދިޔަ އަހަރު ޔޫކްރޭންގެ ކައުންޓަރ އޮފެންސިވް އަށް ކުރިމަތިލުމަށް ފަހު ރަޝިޔާގެ ސިފައިން އަނެއްކާވެސް ހަމަލާއަށް ނިކުމެ މަޑުމަޑުން ކުރިއަށް ދަނީ އިތުރަށް ދެކުނަށް އޮންނަ ޑޮނެޓްސްކް ސަރަހައްދުގަ އެވެ.

ޚާރްކިވް ސަރަހައްދުގައި ކްރެމްލިންގެ ނިޔަތާ ގުޅިގެން ޔޫކްރޭންގެ ކަންބޮޑުވުންތައް މާޗް މަހު ބޮޑުވީ ރަޝިޔާގެ ރައީސް ވްލަޑިމިއާ ޕޫޓިން ޔޫކްރޭންގެ ސަރަހައްދުގެ ތެރޭގައި ބަފަރ ޒޯނެއް އުފެއްދުމަށް ގޮވާލެއްވުމުންނެވެ. އޭނާ ވިދާޅުވީ މިއީ ރަޝިޔާއަށް ބޮން ގޮއްވާލުމާއި ބޯޑަރު އަރައިގަތުމުން ރައްކާތެރިވުމަށް ބޭނުންވާ ކަމެއް ކަމަށެވެ.

އޭގެ ފަހުން ރަޝިޔާއާ ކައިރިވުމުން ވަކިން ހާއްސަކޮށް ނާޒުކު ޚާރްކިވް އަށް ވައިގެ ހަމަލާތަކުގެ ސަބަބުން އެ ސަރަހައްދުގެ ކަރަންޓް އިންފްރާސްޓްރަކްޗާއަށް ގެއްލުން ލިބިފައިވެއެވެ.

ހަނގުރާމައަށް ދެ އަހަރަށް ވުރެ ގިނަ ދުވަސް ފަހުން ހަނގުރާމައިގެ މައިދާނުގައި ދުވެލި އުފެދިފައިވާއިރު، ޔޫކްރޭނަށް އިންސާނުންގެ ބާރާއި އާޓިލަރީ ޝެލްތަކާއި ވައިގެ ދިފާއީ ނިޒާމުގެ ސްޓޮކްތަކުގެ ދަތިކަން ކުރިމަތިވެފައިވެއެވެ.