މޯލްޑިވިސް މާކެޓިން އެންޑް ޕަބްލިކު ރިލޭޝަންސް ކޯޕަރޭޝަންސް (އެމްއެމްޕީއާރުސީ)ގެ މެނޭޖިންގ ޑިރެކްޓަރ، ފާތިމަތު ތައުފީޤްގެ ކޮއްކޮ، ހިންދު ތައުފީޤަށް ޑެޕިއުޓީ މިނިސްޓަރުކަން ދީފައިވާކަން ހާމަވެއްޖެއެވެ.

ރައީސް އޮފީހުގެ އެބްސައިޓުގައި ވާ ގޮތުން އޭނާއަށް ދީފައިވަނީ، ޓްރާންސްޕޯޓް އެންޑް އޭވިއޭޝަންގެ ޑެޕިއުޓީ މިނިސްޓަރުކަމެވެ.

ހިންދު ތައުފީގަކީ މީގެ ކުރިން ކެބިން ކްރޫއެއްގެ ވަޒީފާ އަދާކޮށްފައިވާ މީހެކެވެ.

މައުލޫމާތު ލިބިފައިވާ ގޮތުގައި ހިންދުއަކީ މާބޮޑު ތައުލީމެއް ހާސިލްކޮށްފައިހުރި މީހެއް ނޫނެނެވެ.

ބައެއް ނޫސްތަކުން ރިޕޯޓް ކޮށްފައިވާ ގޮތުން އޭނާއަކީ ބަދުއަޚުލާގީ ކަންކަމުގެ ތުހުމަތު ކުރެވިފައިވާ މީހެކެވެ.

ތައުލީމީ ގޮތުންނާއި އަޚުލާގީ ގޮތުން ޤާބިލް ބޭފުޅުން މަގާމްތަކަށް އައްޔަން ކުރައްވާނެ ކަމަށް ބުނެ އައި މި ސަރުކާރުން ފެނިގެންދަނީ އެއްވެސް ތައުލީމީ ފެންވަރަކަށް ބެލުމެއް ނެތި ވެރިންގެ އާއިލީ މީހުންނަށް ސިޔާސީ މަގާމްތައް ދެމުންދާ މަންޒަރެވެ.

ހިންދު ތައުފީޤަށް ޑެޕިއުޓީ މިނިސްޓަރުކަން ދީފައިފާއިރު، މިހާރުވެސް އެމިނިސްޓްރީގައި 10 ޑެޕިއުޓީ މިނިސްޓަރުން ތިބިކަން ފާހަގަކޮށްލެވެއެވެ.