މާލެ ސިޓީ ކައުންސިލްގެ މީޑިޔާ ކޯޑިނޭޓަރ ފާތިމަތު ޝަތުފާ އޮފީހުގެ ރަސްމީ ގަޑީގައިވެސް ޓި ޓޮކް ކުޅުމުގައި ވަގުތު ހޭދަކުރައްވާތީ ފާޑުކިޔުން އަމާޒުވެއްޖެއެވެ.

އެގޮތުން ޝަތުފާ އޮފީހުގައި އިންނަވާ ޓިކު ޓޮކަށް ރެޑީ ވަނިކޮށް އޮފީހުގެ ސްޓާފަކު އައިސް ޑޮކިއުމަންޓެއް ފޮނުވަން އެދޭ އަޑު މަންޒަރާ އެކު ވީޑިއޯއަކުން ފެނިގެން ދެއެވެ. ނަމަވެސް ވަކި ހިސާބަކުން ޝަތުފާ އެ ވީޑިއޯގެ އަޑު ކަނޑާލައެވެ.

މިކަމާ ގުޅިގެން އެކްސްގައި ޕޯސްޓުކުރި ގިނަ ބަޔަކު ވަނީ ޝަތުފާ 20.000 ރުފިޔާގެ މުސާރައެއް ނަންގަވައިގެން ރަސްމީ ގަޑީގައި ޓިކު ޓޮކު ކުޅުއްވަނީ ހަމަ ކުރާނެ އެއްވެސް މަސައްކަތެއް ނެތިގެންތޯ ސުވާލު ވެސް ކޮށްފައެވެ.

ހަމައެހެންމެ ބޮޑު މުސާރަ ނަގައިގެން ހުންނަވާއިރު މުސާރަ ހަލާލުވާވަރަށް މަސައްކަތްކުރުމަށް ވެސް ބައެއް މީހުން ވަނީ އެކްސްގައި ގޮވާލާފައެވެ.

ޝަތުފާ ނިމިދިޔަ ސަރުކާރުގައި ހުުންނެވީ ހެލްތު މިނިސްޓްރީގެ މީޑިޔާ ކޯޑިނޭޓާރަކަށެވެ. އަދި މާލެ ސިޓީ ކައުންސިްލގެ މީޑިޔާ ކޯޑިޏޭޓައަކަށް އޭނާ އައްޔަންކޮށްފައިވަނީ ޖެނުއަރީ މަހުގެ ތެރޭގައެވެ. ޝަތުފާ ވަނީ މީގެ ކުރިންވެސް އެ މަގާމު ސިޓީ ކައުންސިލްގައި އަދާކޮށްފައެވެ.

ބޮޑެތި މުސާރައިގައި ސިޔާސީ މަގާމުތަކުގައި ތިބޭ މީހުން ޒިންމާއެއް ނެތި ތިބޭ ތިބުމަކީ އާންމުން ނުރުހުން އެކަމަކަށް ނުހަނު ބޮޑަށް އަމާޒުވާކަމެކެވެ.