ނުރައްކާތެރި އެމްޕޮކްސް ވައިރަހުގެ ސްޓްރެއިން އެއް އިންޑިއާ އިން ފެނިފައިވާ ކަމަށް އެ ގައުމުގެ ހެލްތް އިދާރާއިން ބުނެފިއެވެ.

މި ބަލި ފެނިފައިވަނީ އިންޑިއާގެ ކެރެލާއިން ކަަމަށާއި މި ބައްޔަށް ފައްސިވެފައިވަނީ އުމުރުން 38 އަހަރުގެ އެ ފިރިހެން މީހެއް ކަމަށް މައުލޫމާތު ލިބިފައިވެއެވެ.

މި މީހާގެ ގައިން އެމްޕޮކްސްގެ މި ވައްތަރު ފެނިފައިވާއިރު، ހަލުވިކަމާއެކު ފެތުރެމުންދާ މި އާ ސްޓްރެއިން ފެނުނު އޭޝިއާގެ ފުރަތަމަ ގައުމަކީ ތައިލެންޑްގެ ބެންކޮކެވެ.

މިހާރު ފެތުރެމުންދާ ވޭރިއަންޓް ވަރަށް ފަސޭހައިން ފެތުރޭއިރު، މި ބަލި ޖެހިފައި ހުންނަ މީހަކާއި މާބޮޑަށް ގާތް ވުމުންނާއި ހުރިހާ ބާވަތެއްގެ ޖިންސީ ހަރަކާތެއްގެ ތެރެއިން ވެސް މި ވޭރިއަންޓް ފެތުރެއެވެ.

އިންޑިއާ އަކީ ދިވެހިން ވަރަށް ގިނައިން ދަތުރުކުރާ ގައުމެއް ކަމުން ދަތުރު ކުރައްވާ ހުރިހާ ފަރާތްތައްވެސް ރައްކާތެރިކަމުގެ ފިޔަވަޅު އަޅުއްވައިގެން ދަތުރުކުރުމަށް ކަމާއި ބެހޭ އިދާރާތަކުން އިލްތިމާސް ކުރެއެވެ.