އިންޑިއާގެ ބާރުގެ ދަށުގައި އޮންނަ ކަޝްމީރުގައި ސްޓްރެޓެޖިކް ޓަނަލް ޕްރޮޖެކްޓެއްގައި މަސައްކަތް ކުރާ ހަތް މީހަކު ހަތިޔާރު އެޅި މީހުން މަރާލައި، އިތުރު ފަސް މީހަކު ޒަހަމްކޮށްލާފައިވާ ކަމަށް އޮފިޝަލުން ބުނެފި އެވެ.

ސޯނަމާގްގެ ރިސޯޓް ޓައުން ކައިރީގައި އޮންނަ ގަގަންގިރުގައި އިމާރާތް ކުރުމުގެ މަސައްކަތް ކުރާ މީހުންގެ ކޭމްޕަކަށް ދިން ޓެރަރިސްޓް ހަމަލާގެ ޒިންމާ އިންޑިއާގެ ވެރިކަމާ ދެކޮޅަށް ހަނގުރާމަ ކުރާ ހަނގުރާމަވެރިންނަށް ތުހުމަތު ކޮށްފައިވެއެވެ.

ފުލުހުން ބުނީ އާދީއްތަ ދުވަހުގެ ރޭ އެ އިމާރާތާ ގުޅުން ހުރި އޮފިޝަލުންނާއި މަސައްކަތްތެރިންނަށް ހަމަލާދިން ދެ މީހަކު "ނުހައްގުން" ބަޑީގެ ހަމަލާތަކެއް ދީ، އެ ސަރަހައްދުގައި ތިބި ދެ މީހަކު މަރުވެފައިވާ ކަމަށެވެ. އަދި އިތުރު 10 މީހަކު ހޮސްޕިޓަލަށް ގެންދިޔައިރު އިތުރު ފަސް މީހަކު ވަނީ މަރުވެފަ އެވެ.

މި ހަމަލާ ދީފައި މިވަނީ މަސައްކަތްތެރިން އެނބުރި އެމީހުން ދިރިއުޅޭ ތަންތަނަށް ދިޔަތާ ކުޑަ އިރުކޮޅެއް ފަހުންނެވެ. މަރުވި މީހުންގެ ތެރޭގައި ހިމެނެނީ ފަސް ބިދޭސީންނާއި އޮފިޝަލުންނާއި ކަޝްމީރުގެ މީހަކާއި ކަޝްމީރުގެ ޑޮކްޓަރެކެވެ.