ޔޫތުންނަށް ހާއްސަ ކޮށްގެން ރޭސިން ޓްރެކްއެއް ގާއިމު ކުރުމުގެ މަސައްކަތް ކުރާނެ ކަމަށް ރައްޔިތުން މަޖިލިސް އިންތިހާބުގައި ރައީސް އަބްދުﷲ ޔާމީން އަބްދުލް ގައްޔޫމް އަލަށް އުފައްދަވާ ޕާޓީ ޕިޕަލްސް ނެޝެނަލް ފްރޮންޓް ( ޕީއެންއެފް )ގެ ފަރާތުން ހުޅުމާލެ ދެކުނު ދާއިރާ އަށް ވާދަ ކުރެއްވުމުގެ ޝައުގުވެރިކަން ފާޅު ކުރައްވާފައިވާ އަބްދުއް ސަމަދު ( ސަމަދުބެ ) ވިދާލުވެއްޖެއެވެ.

އަބްދުއް ސަމަދު މިފަދައިން ވިދާޅުވެފައިވަނީ ހޮނިހިރު ދުވަހުގެ ރޭ ޕީއެންއެފްގެ ފަރާތުން މަޖިލިސް އިިންތިހާބުގައި ވާދަކުރައްވާ ކެންޑިޑޭޓުން ތައާރަފު ކުރުމަށް ބޭއްވި ޖަލްސާގައި ވާހަކަ ދައްކަވަމުންނެވެ.

އަބްދުއް ސަމަދު ވިދާޅުވީ ޒުވާނުންގެ ތެރޭގައި ރޭސިންއަށް ލޯބި ކުރާ ކުދިން ވަރަށް ގިނަ ކަމަށާއި އެގޮތުން އެކުދިންނަށް ރޭސިން ޓްރެކް އެއް ގާއިމު ކޮށްދިނުމަށް މަސައްކަތް ކޮށްދޭނެ ކަމަށެވެ.

މީގެ އިތުރުން ދުޅަހެޔޮ ސިއްހަތެއްގައި ޒުވާނުން ތިބުމަށްޓަކައި ކުޅިވަރު އެކަޑަމީތަށް ގާއިމު ކުރުމުގެ މަސައްކަތް ކުރާނެ ކަމަށްވެސް ވަނީ ވިދާޅުވެފައެވެ.

ޒުވާނުންނަށް ދަތިވެފައި ހުރި ކަންކަމުގައި ވަކާލާތު ކޮށްދޭނެ ކަމަށް ވެސް އަބްދުއްސަަމަދު ވަނީ ވިދާޅުވެފައެވެ.