ނިއުކްލިއާ ގާބިލްކަން ލިބިފައިވާ އިންޑިއާއިން ދުރު ރާސްތާ ހައިޕަސޮނިކް މިސައިލެއް ޓެސްޓްކޮށްފި އެވެ.

އިންޑިއާގެ މިސައިލް އުދުއްސާލީ އިރުމަތީ އައްސޭރިފަށުގައި އޮންނަ އަބްދުލް ކަލާމް އައިލެންޑުންނެވެ. އިންޑިއާގެ ދިފާއީ ވުޒާރާއިން ބުނި ގޮތުން އަޖުމަބެލުމުގެ ހުރިހާ މަރުހަލާއެއް ވަރަށް ކާމިޔާބެވެ.

އިންޑިއާ އަކީ ޖައްވީ ވާދަވެރިކަމުގައި ވެސް އަމިއްލް ހޯދުންތަކުން ފަޒާއަށް ދަތުރު ފަށާފައިވާ ގައުމެކެވެ. ޖައްވީ ރޭހުގައި ވާދަވެރިންނަށް ދޫނުކުރާ ވަރުގެ ކުރިއެރުންތައް މަދު ދުވަސްކޮޅެއްގެ ތެރޭގައި އިންޑިއާ ވަނީ ހޯދާފަ އެވެ.

އިންޑިއާގެ ދިފާއީ ވަޒީރު ރަޖްނާތު ސިންގް ސިފަކުރެއްވި ގޮތުގައި މިއީ އިންޑިއާއަށް ތާރީހީ ކާމިޔާބެކެވެ. އިންޑިއާގެ އަމިއްލަ ސައިންސްވެރިންގެ ކުޅަދާނަކަން މިކަމުން ދޭހަކޮށްދޭ ކަމަށް ވެސް ވަޒީރު ވިދާޅުވި އެވެ.

އިންޑިއާގެ އަސްކަރިއްޔާ ޒަމާނީކޮށް ބާރުވެރިކުރެއްވުމަކީ ބޮޑުވަޒީރު ނަރެންދުރަ މޯދީގެ ވަރަށް ބޮޑު އުންމީދެކެވެ. އަސްކަރިއްޔާގައި އިންޑިއާގެ އަމިއްލަ އުފެއްދުންތައް ބޭނުކުރެވޭ ދުހަކަށް އުންމީދުކުރައްވާ ކަމަށް ބައެއް ހަފުލަތަކުގެ މޯދީ ވަނީ ވިދާޅުވެފަ އެވެ.

ނިއުކްލިއާ ގާބިލްކަން ލިބިފައިވާ އިންޑިއާއިން ޓެސްޓުކުރި ބާވަތުގެ ހައިޕަސޮނިކް މިސައިލް ޓެސްޓްކޮށްފައިވާ ގައުމުތަކުގެ ތެރޭގައި ހިމެނެނީ އެމެރިކާ، ރަޝިޔާ، ޗައިނާ އަދި އުތުރު ކޮރެއާ އެވެ. އަދި އެހެން ބައެއް ގައުމުތަކުން ދަނީ މި ޓެކްނޮލޮޖީ ތަރައްގީކުރަމުންނެވެ.