އިންޑިއާއިން ރާއްޖެއަށް ކަނޑައަޅާ އާ ސަފީރުގެ މަގާމަށް ޖީ ބާލާސުބްރަމާނިއަން ހަމަޖައްސައިފި އެވެ.

މި މަގާމުގައި ކުރިން ހުންނެވީ، މުނޫ މަހާވަރެވެ. އޭނާގެ ދައުރު މި މަހު ހަމަވާނެ އެވެ. އޭނާ މަގާމަށް އައްޔަން ކުރެއްވީ 2021 ވަނަ އަހަރު އެވެ.

ބަލަސުބްރަމާނިއަމަކީ މި ވަގުތު އިންޑިއާއިން ނައިޖީރިއާއަށް ކަނޑައަޅައިފައި ހުންނަވާ ސަފީރެވެ. އޭނާ އަންނަނީ 1998 ވަނަ އަހަރުން ފެށިގެން އިންޑިއާގެ ހާރިޖީ ދާއިރާގައި މަސައްކަތް ކުރައްވަމުންނެވެ.

އިންޑިއާގެ އެކްސްޓާނަލް އެފެއާޒް މިނިސްޓްރީއިން ބުނިގޮތުގައި ބާލާސުބްރަމާނިއަމް ވަރަށް އަވަހަށް މަގާމުގެ މަސްއޫލިއްޔަތުތަކާ އޭނާ ހަވާލުވެވަޑައިގަންނަވާނެ ކަމަށެވެ.