މާފުށީ ޖަލުގައި އަސާސީ ހައްގުތައް ކަނޑާލުމުން ގައިދީން ކުރާ އިހްތިޖާޖުގެ ތެރެއިން ބައިވެރިއެއްގެ ހާލު ދެރަވެ ސިއްހީ ފަރުވާ ދޭކަން ހާމަވެއްޖެއެވެ.

މާފުށީ ޖަލުގައި ގައިދީން ބަނޑުހައިހޫނުކަމުގެ ހަޅުތާލެއް ކުރާތާ 48 ގަޑިއިރަށް ވުރެ ގިނަވެއްޖެ އެވެ.

ޗެނަލް13އަށް މައުލޫމާތު ލިބުން ގޮތުގައި މި ހަޅުތާލު ކުރަނީ ހައި ރިސްކް ޔުނިޓުތައްކަމުގައިވާ ޔުނިޓު 2،3 އަދި 4ގައި ބަހައްޓާފައި ތިބި ގައިދީންނެވެ. އަދި އެ ހަޅުތާޅު ފެށީ ކާން ލިބޭ ގަޑީގެ ކުރީގައި އޮންނަ އުސޫލު ބަދަލު ކުރުމަށް އެދިއެވެ. ކޮންމެ ޔުނިޓެއްގައި އެ މަސައްކަތް ކުރުމަށް ވަކި ގައިދީންތަކެއް ތިބޭ ކަމާއި ނަމަވެސް އެމީހުން މިހާރު ތިބީ އެހެންތަނަކަށް ބަދަލުކޮށްފައިކަންވެސް ޗެނަލް13 އަށް މައުލޫމާތު ލިބެ އެވެ.

މިކަމާއި ގުޅިގެން ޗެނަލް13 އިން ކަރެކްޝަންސްގެ ބަހެއް ލިބޭތޯ ތަކުރާރުކޮށް މަސައްކަތް ކުރި ނަމަވެސް ފޯނު ނުނެގުމުގެ ސަބަބުން ބަހެއް ލިބޭ ގޮތްވަނީ ނުވެފަ އެވެ.