ވާނުވާ ބަންދުގައި އެތައް ބަޔަކު ތިބުމާއި ގުޅިގެން ކަންބޮޑުވުން ފާޅުކޮށް ތ.ތިމަރަފުށީގައި އެރަށު ރައްޔިތުން ނުކުމެ ސުލްހަވެރިކަމާއެކު އިހުތިޖާޖުކޮށްފިއެވެ.

މީގެ ކުރިން ވެސް އާންމު ރައްޔިތުން ވަނީ ވާނުވާ ބަންދުގައި އެތައް ކުދިންނެއް ތިބުމާއި ގުޅިގެން ކަންބޮޑުވުން ފާޅުކޮށް ވާހަކަދައްކައިފައެވެ.

އެގޮތުން މިއަދު ހަވީރު ތިމަރަފުށީގައި މި އިހުތިޖާޖު ކޮށްފައިވާއިރު، އެ އިހުތިޖާޖުގެ ތެރެއިން، ވާނުވާ ބަންދު ޖަހައިފައި ތިބި ކުދިންނަށް އިންސާފު ހޯދައިދިނުމަށް އެދި ގޮވާލައިފައިވެއެވެ.

ތިމަރަފުށީގައި މިފަދައިން ގޮވާލައި އިހުތިޖާޖުކޮށްފައިވާއިރު، ރައީސް އަބްދުﷲ ޔާމީން އަބްދުލް ޤައްޔޫމްވެސް ވާނުވާ ބަންދުގައި ތިބި ޒުވާނުންގެ ދިފާއުގައި ވާހަކަދައްކަވާފައި ވާކަން ފާހަަކޮށްލެވެއެވެ.

ވާނުވާ ބަންދުގައި ތިބި މީހުންނަށް އިންސާފު ހޯދައިދިނުމަކީ މިހާރުގެ ރައީސުލްޖުމްހޫރިއްޔާ، ޑރ.މުހައްމަދު މުއިއްޒުގެ ވައުދުފުޅެކެވެ.

އެހެން ނަމަވެސް އަދި މިހާތަނަށް މިކަމާއި ގުޅިގެން އެއްވެސް މަސައްކަތެް ކުރައްވާފައި ނުވާކަން ފާހަގަކޮށްލެވެއެވެ.