ސައިޕްރިއާ މެރިން ފުޑްސްގެ މުވައްޒަފުން މުޒާހަރާއަށް ނިކުމެެއްޖެއެވެ.

އެ ކުންފުނީގެ މުވައްޒަފުން އަންނަނީ އެމީހުންގެ މަސައްކަތައް އުޖޫރަ ނުދިނުމުގެ ސަބަަބުން މުޒާހަރާކުރަމުންނެވެ.

ފޭސްބުކްގައި ދައުރުވަމުން އަންނަ ޕޯސްޓެއްގައި އެ ކުންފުނީގެ މުވައްޒަފުން މުޒާހަރާގައި ހަރާކަތްތެރިވަމުން އަންނަ މަންޒަރު ފެނެއެވެ.

މި ކުންފުނީގެ ދިވެހި މުވައްޒަފުންނަށް 6 މަހުގެ މުސާރަ ނުދީ އޮތް އިރު ބިދޭސީންނަށް 8 މަހުގެ މުސާރަ ނުދީ އޮތް ކަމަށް އެ ކުންފުނީގެ މުވައްޒަފުން ވަނީ ބުނެފައިއެވެ.

މީގެ އިތުރުން އެ ޕޯސްޓުގައި ވަނީ މިފަދައިން އެ ރައްޔިތުން ދިރިއުޅޭނީ ކިހިނެއްކަމާއި މެދު ސުވާލު އުފައްދާފައިއެވެ.

އެ ކުންފުނީގެ މުވައްޒަފުންގެ ތެރެއިން ބައެއް މުވައްޒަފުންގެ ގެދޮރަށް ކަރަންޓު ބިލު ނުދެއްކުމުގެ ސަބަބުން ކަަރަންޓު ކަނޑާލާ ހަމައަށްވެސް އެމީހުންގެ ހާލަތު ގޮސްފައި ވާކަމަށް އެ ޕޯސްޓުގައި ވަނީ ބުނެފައިއެވެ.