ސަހްޔޫނީން ޓޭންކުތައް ދިހަވަރަކަށް އަހަރު ފަހުން ފުރަތަމަ ފަހަރަށް ހިފާފައިވާ ހުޅަނގު އައްސޭރިއަށް ޑިޕްލޯއީ ކޮށްފިއެވެ.

އެސޯސިއޭޓެޑް ޕްރެސް އިން ރިޕޯޓުކުރާ ގޮތުގައި ޖެނިންގެ ތެރެއަށް ތާރު އަޅާފައި ނުވާ ޓްރެކްތަކުގެ ތެރެއިން އެތައް ޓެންކްތަކެއް ދަތުރުކުރަމުން ދިޔައެވެ.

ސަހްޔޫނީން ފަލަސްތީނުގެ ސަރަހައްދަށް އަޅާފައިވާ ފިޔަވަޅުތައް އިތުރުކޮށް ހަމަލާތައް އިތުރުވަމުންދާ ދަނޑިވަޅެއްގައި ހަނގުރާމަ ނައްތާލުމަށް އަޒުމް ކަނޑައަޅާފައިވާ ކަމަށް ބުނެފައިވެ އެވެ. އެގައުމުން ވަނީ ޖެނުއަރީ 21 ވަނަ ދުވަހު ހުޅަނގު އައްސޭރީގެ އުތުރުގައި ހަމަލާ ފަށާފައެވެ. އެގޮތުން ޣައްޒާގައި މިހާރު އަމަލުކުރަމުންދާ ހަނގުރާމަ ހުއްޓާލިތާ ދެ ދުވަސް ފަހުން ކައިރީގައިވާ ސަރަހައްދުތަކަށް ވެސް އެ ހަމަލާ ދީފައިވެއެވެ.

ފަލަސްތީނުގެ ރައްޔިތުން ދެކޭ ގޮތުގައި މި ރޭޑްތަކަކީ އަސްކަރީ އޮޕަރޭޝަންތަކުގައި ފަލަސްތީނުގެ 3 މިލިއަން މީހުން ދިރިއުޅޭ ސަރަހައްދުގެ މައްޗަށް ސަހްޔޫނީން ކޮންޓްރޯލް ހޯދުމަށް ކުރާ މަސައްކަތުގެ ބައެކެވެ.

ސަހްޔޫނީންގެ ޑިފެންސް މިނިސްޓަރު އިސްރާއީލް ކަޓްޒް ވިދާޅުވީ އޭނާ އާއި ސަހްޔޫނީންގެ ބޮޑުވަޒީރު ބެންޖަމިން ނަތަންޔާހޫ ވަނީ ހުޅަނގު އައްސޭރީގެ ހުރިހާ ރެފިއުޖީ ކޭމްޕްތަކެއްގައި ހިންގާ ހަރަކާތްތައް އިތުރު ކުރުމާއި އެކު ވަރުގަދަކޮށްފައިކަމަށް ރިޕޯޓުކޮށްފައިވެއެވެ.

މި ކޭމްޕްތަކުގައި ދިރިއުޅެނީ މީގެ ދިހަވަރަކަށް އަހަރު ކުރިން ސަހްޔޫނީންއެކު ކުރި ހަނގުރާމަތަކުގެ ތެރޭގައި ފިލައިގެން ދިޔަ ފަލަސްތީނުގެ ދަރިކޮޅުގެ މީހުންނެވެ. ފަލަސްތީނުގެ ރައްޔިތުން އެނބުރި އައުމަށް ހުރަސް އެޅޭނީ ކިހާ ދުވަހަކު ކަމެއް ސާފެއް ނުވެ އެވެ. ކަޓްޒް ވިދާޅުވީ އިސްރާއީލުގެ ސިފައިން ކުރިއަށް އޮތް އަހަރެއްހާ ދުވަހު ތިބޭނެ ކަމަށެވެ.

އެންމެ ފަހުން ހުޅަނގު އައްސޭރިއަށް ޓެންކްތައް ޑިޕްލޮއި ކުރީ 2002 ވަނަ އަހަރެވެ.