އައިޑީއެފުން ފަލަސްތީނުގެ ރައްޔިތަކު ހައްޔަރު ކުރަނީ / އަނަދޮލޫ
ދުނިޔެ
ސަހްޔޫނީންގެ އިސްތިއުމާރީ ބާރުތަކުން ފަލަސްތީނުގެ ރައްޔިތުން ބަންދު ކުރަން ފަށައިފި
Hussain Nawaf
ހުސައިން ނަވާފް
19 ފެބްރުއަރީ 2025
ޣައްޒާ

ސަހްޔޫނީންގެ އިސްތިއުމާރީ ބާރުތަކުން ފަލަސްތީނުގެ ރައްޔިތުން ބަންދު ކުރަން ފަށައި އެ އޮޕަރޭޝަނުގައި 30 މީހަކު ކުޑަކުދިންނާއި ކުރީގެ ގައިދީން ހިމެނޭހެން ބަންދުކޮށްފިއެވެ.

ފަލަސްތީނުގެ ގައިދީންގެ ޖަމިއްޔާ އާއި ކޮމިޝަން އޮފް ޑިޓެއިންސް އެންޑް އެކްސް- ޑިޓެއިންސް އެފެއާޒް އިން ބުނީ ޖެނިން އަދި ޓޫލްކާމް ހިސާރު ކުރަމުންދާ ކަމަށާއި އެއާއެކު ބަންދުކުރުމާއި ފީލްޑް ތަހުގީގުތައް ކުރިއަށް ގެންދާ ކަމަށެވެ.

މީގެ އިތުރުން ޖެނިންގައި ބަންދުކުރި މީހުންގެ އަދަދު 175 އަށް އަރާފައިވާއިރު، ޓޫލްކާމް އާއި ކޭމްޕްތަކުގައި ބަންދުކޮށްފައި ތިބި މީހުންނާއި ފަހުން ދޫކޮށްލި މީހުން ހިމެނޭ ގޮތަށް މަދުވެގެން 150 އަށް އަރާފައިވާކަން ރިޕޯޓުކޮށްފައިވެއެވެ.

ފާހަގަކޮށްލެވޭ ކަމަކީ، ޚާއްޞަކޮށް ޖެނިން އާއި ކައިރީގައި އޮންނަ ކޭމްޕްގެ އިތުރުން ޓޫލްކާމް އާއި ކައިރީގައިވާ ކޭމްޕްތަކުގައި، މި ސިޔާސަތުތަކުގެ ތެރެއިން އެންމެ ފާހަގަކޮށްލެވޭ ސިޔާސަތުތަކަކީ ދަނޑުގައި މަރުގެ އަދަބު ދިނުމާއި، އަވަހާރަކޮށްލުމާއި، ފީލްޑް އިންވެސްޓިގޭޝަންތަކުގެ ސަބަބުން ގިނަ އަދަދެއްގެ ރައްޔިތުންނަށް އޭގެ ނޭދެވޭ އަސަރުކޮށްފައިވާކަމަށް ރިޕޯޓުތަކުން ބުނެއެވެ.

މީގެ އިތުރުން ހިނގަމުންދާ އަނިޔާވެރިކަމުގެ ތެރޭގައި ސަހްޔޫނީ ސިފައިންގެ ތެރޭގައި ފަލަސްތީނުގެ ރައްޔިތުން ރަހީނުކޮށް، އާންމުންގެ ގެދޮރު އަސްކަރީ ޗެކްޕޮއިންޓްތަކަށް ބަދަލުކޮށް، ގެދޮރުގެ ވެރިން ގަދަކަމުން ނެރި އެހެން ސަރަހައްދުތަކަށް ބަދަލުވުމަށް މަޖުބޫރުކޮށްފައިވާކަންވެސް މަސްދަރުތަކުން ބުނެއެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved