ރައީސް ޓްރަމްޕް މީޑިއާ އާ ވާހަކަ ދައްކަވަނީ / ނިއުސް ފަރސްޓް
ދުނިޔެ
ގާޒާގެ އެންމެން މަރާލާނެ ކަމުގެ އިންޒާރު ޓްރަމްޕު ދީފި
Hussain Nawaf
ހުސައިން ނަވާފް
06 މާރިޗު 2025

ހަނގުރާމަ މެދުކަނޑާލަން ވި އެއްބަސްވުމުގައި ވާ ގޮތަށް ހައްޔަރުކޮށްފައިވާ ހުރިހާ އަސީރުން މިނިވަން ނުކޮށްފިނަމަ ސަހްޔޫނީންނަށް ގާޒާ ސުންނާފަތި ކުރަން ބޭނުންވާ ހުރިހާ ސާމާނެއް ފޮނުވާނެ ކަމަށް ވިދާޅުވެ ގާޒާގައި އުޅެމުންދާ ހުރިހާ ރައްޔިތުން މަރާލާނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕު ދެއްވައިފި އެވެ.

ހަމާސްއާ އެކު ވައިޓް ހައުސްއިން ދަނީ އަސީރުން މިނިވަން ކުރުމުގެ މަޝްވަރާތައް ކުރަމުންނެވެ. ޓެރަރިސްޓް ގްރޫޕެއްގެ ގޮތުގައި ކަނޑައަޅާފައިވާ ގްރޫޕްތަކާ އެކު މީގެކުރިން އެމެރިކާ ސަރުކާރުން ސީދާ މަޝްވަރާތައް ނުބާއްވަ އެވެ.

ގާޒާގައި ދިރިއުޅެމުންދާ ރައްޔިތުންނަށް ވެސް ޓްރަމްޕު އިންޒާރު ދެއްވި އެވެ. އެ އިންޒާރުތަކާ މެދު ރަނގަޅަށް ވިސްނުމަށް ފަހު ގޮތެއް ނިންމުމަށް ޓްރަމްޕު އެދިވަޑައިގަތެވެ.

ގާޒާގެ ރައްޔިތުންނަށް އުފާވެރި މުސްތަގުބަލެއް އިންތިޒާރުގައި އޮތްއިރު އެކަމަކު އަސީރުން މިނިވަން ނުކޮށް ހިފަހައްޓައިފިނަމަ އެ މުސްތަގުބަލެއް ނެތް. ހިފަހައްޓައިފިނަމަ އެންމެން މަރާލާނެ ކަމަށް ޓްރަމްޕު އިންޒާރު ދެއްވި އެވެ.

ޓްރަމްޕުގެ މި ވާހަކަތަކާ ގުޅިގެން އެމެރިކާ ސަރުކާރާ ގާތް ގުޅުމެއް ބާއްވަމުންދާ ދިވެހިރާއްޖެއިން މިހާތަނަށް އެއްވެސް އެއްޗެއް ބުނެފައި ނުވެ އެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved