ސްރީ ލަންކާގެ ޓިވެކްގައި ރަޖިސްޓްރީކޮށްފައިވާ މަތީ ތައުލީމު ދޭ ބައެއް މަރުކަޒުތައް ސަސްޕެންޑް ކޮށްފައިވާކަމަށް މޯލްޑިވްސް ކުއަލިފިކޭޝަންސް އޮތޯރިޓީ (އެމްކިއުއޭ) އިން އިލްތިމާސްކޮށްފި އެވެ.

އެެމްކިއުއޭއިން ނެރުނު ނޯޓިސްގައި ބުނެފައިވަނީ ގިނަ އަދަދެއްގެ ދިވެހި ދަރިވަރުން ތައުލީމު ޙާސިލްކުރާ މެޓްރޮޕޮލިޓަން ކޮލެޖާއި، އީސޮފްޓް ކޮލެޖްގެ ހުރިހާ ކެމްޕަހަކަށް ދޫކޮށްފައިވާ ހުއްދަ ހިފަހައްޓައި ލަންކާގެ ޓީވެޓުން އެ ކޮލެޖްތައް ސަސްޕެންޑް ކޮށްފައިވާ ކަމަށެވެ.

މީގެ އިތުރުން އެ މަރުކަޒުތަކުގައި ތައުލީމު ހާސިލު ކުރަމުން ދާނަމަ ވީހާވެސް އަވަހަކަށް އެ އޮތޮރިޓީގެ މެއިލް ([email protected]) އަށް އީމެއިލް ކުރުމަށް އެދޭ ކަމުގައި އެމްކިއުއޭ އިން އަންގާފައިވެއެވެ.

ހަމައެއާއެކު މިވަގުތު މި ދެ މަރުކަޒުގެ ޕްރޮގްރާމްތަކަށް ދަރިވަރުން އެންރޯލް ނުވުމަށާއި، ދަރިވަރުން އެ މަރުކަޒުތަކުގައި ރަޖިސްޓްރީ ނުވުމަށް އެމްކިއުއޭ އިން ލަފާ ދީފައިވެއެވެ.
އެމްކިޔުއޭއިން ބުނީ، އެ އޮތޯރިޓީން ގަބޫލުނުކުރާ މަރުކަޒަކުން ސަނަދު ހާސިލުކުރުމުން އެކަމުގެ ސަބަބުން ދަރިވަރަށް ލިބޭ ގެއްލުމުގެ ޒިންމާ އެ އޮތޯރިޓީން ނުނަގާނެ ކަމަށެވެ.