އެމެރިކާގެ ވިޔަފާރީގެ އެންމެ މުހިންމު އެއް ބައިވެރިޔާ ކަމަށްވާ އިންޑިއާ އަށް ބޮޑެތި ޓެރިފްތަކެއް ނަގަން އެމެރިކާގެ ރައީސް ޑޮނަލްޑް ޓްރަމްޕް ނިންމަވާފައިވާއިރު ރަޝިއާއިން ތެލާއި ގޭސް އެތެރެކުރުމުގެ ނަތީޖާއެއްގެ ގޮތުން މި މަހުގެ ފަހުކޮޅު އަމަލު ކުރަން ފަށާ 25 ޕަސެންޓްގެ ތާރިފްގެ އިތުރުން އިތުރު 25% ތާރިފެއް ނެގުމަށް ޓްރަމްޕް އިއުލާންކޮށްފިއެވެ.

މި ޖޫރިމަނާތަކުގެ ސަބަބުން އެމެރިކާއިން އިންޑިއާ އަތުން ނަގާ ޖުމްލަ ތާރިފް 50 އިންސައްތައަށް އުފުލިގެންދާނެކަމަށާއި، މިއީ އެމެރިކާއިން ނަގާ އެންމެ ބޮޑު އެއް ރޭޓް ކަމަށް ކަމާއި ބެހޭ ފަރާތްތަކުން ބުނެއެވެ.

އިންޑިއާއިން ރަޝިޔާގެ މާކެޓްތަކުން ނިއުކްލިއާ އާލާތްތަކާއި ތެލާއި ގޭސް ގަތުމުގެ ސަބަބުން ޓްރަމްޕް ނިންމެވި މި ނިންމުމުގެ ސަބަބުން އިންޑިއާއަށް ބޮޑެތި ތަކުލީފުތަކާއި ކުރިމަތިލާންޖެހިގެންދާނެއެވެ.

ޓްރަމްޕް މިފަދައިން ނިންމަވާފައިވާއިރު، އިންޑިއާގެ ބޮޑު ވަޒީރު ނަރެންދްރަ މޯދީ ޗައިނާއަށް ރަސްމީ ދަތުރެއް މި މަހުގެ ތެރޭގައި ކުރުމަށް ހަމަޖެހިފައިވާ ކަމަށް އެ ގައުމުން ވަނީ ހާމަކޮށްފައެވެ.

ޗައިނާ އަދި އެމެރިކާއަކީ އަބަދުވެސް ކޯޅުން ބޮޑު ދެ ގައުމަކަށް ވާއިރު މޯދީގެ މި ދަތުރުގެ ސަބަބުން އިތުރު ދަތިތައް އެމެރިކާއިން އިންޑިއާއަށް އެޅުމަކީ އެކަށީގެންވާ ކަމެކެވެ.