އެމްއެޗްއޭ އިން ރޯދައަށް ހާއްސަކޮށް 14 ވައްތަރެއްގެ ކަދުރު ރާއްޖޭގެ ބާޒާރަށް ނެރެފިއެވެ.

މިފަހަރު ރަމަޟާން މަހާ ދިމާކޮށް، ތަފާތު 14 ބާވަތެއްގެ ކަދުރު އެމްއެޗްއޭއިން ރާއްޖެއަށް ނެރެފައިވާއިރު، އޭގެ ތެރޭގައި ފަރުދު، ކެނެއިޒީ، ލޫލޫ، ޚަލާސް، މެޑްޖޫލް، މަބްރޫމް، ސަފާވީ، ސުކަރީ ރުތުބު، ސުކަރީ މުފަތަލް، އަޖުވާ، ސެގާއީ، ޚުދްރީ، ޗޮކްލެޓް ކަދުރު އަދި މާމޫލް ބިސްކޯދު ފަދަ ޕްރީމިއަމް ކަދުރުތައް ހިމެނެއެވެ.

މި ކަދުރުތަަކީ ތަފާތު ފަސް ގައުމެއްގެ އުފެއްދުންތަކެއްކަން ވެސް ފާހަގަކޮށްލެވެއެވެ.

އެއީ އޮމާން، އެމިރޭޓްސް، އީރާން، މޮރޮކޯ އަދި ސައުދީ އަރަބިއްޔާއެވެ.

ކަސްޓަމަރުންނަށާއި، ހޮޓާ، ކެފޭ އަދި ރެސްޓޯރެންޓްތަކުގައި ބޭނުން ކުރަން ވިޔަސް ކޮންމެ މުނާސަބަތަކަށް ވެސް ފުރިހަމަ ސައިޒެއްގެ ޕެކެޓްތަކުގައި އެމްއެޗްއޭގެ ފިހާރަތަކުން މި ކަދުރުގެ ވައްތަރުތައް ލިބިގެން ދާނެއެވެ.

ރާއްޖެއަށް މިފަދަ ޕްރޮޑަކްޓްތައް ގެނެސްދިނުމުގައި އެންމެ ގިނަ ދުވަސްވީ ޑިސްޓްރިބިއުޓަރުގެ މަގާމު އެމްއެޗްއޭއިން ދަމަހައްޓަމުން އަންނައިރު، އެ ކުންފުނިން ދަނީ ކަދުރުގެ އެކި ބާވަތްތައް ރާއްޖެއަށް ތައާރަފް ކުރަމުންނެވެ.

އެމްއެޗްއޭގެ އާ ކަދުރުތަކާއި ބެހޭ އިތުރު މައުލޫމާތު ހޯދުމަށް ނުވަތަ ރަމަޟާން މަހަށް އޯޑަރު ދިނުމަށް ޓަކައި އެމްއެޗްއޭގެ ވައިބާ ޗެނަލް މެދުވެރިކޮށް ނޫނީ 3360741 ނުވަތަ 3336895 ނޫނީ 3322729 އަށް ގުޅައިގެން މައުލޫމާތު ސާފުކުރެވޭނެ، ނުވަތަ އޯޑަރ ކުރެވޭނެއެވެ.