ބައިނަލްއަގުވާމީ ކުޅިވަރު މުބާރާތްތަކާއި ހަރަކާތްތަކުން ސަހްޔޫނީން ބާކީކުރަންޖެހޭ ކަމަށް ސްޕެއިންގެ ބޮޑުވަޒީރު ޕެޑްރޯ ސަންޗޭޒް ވިދާޅުވެއްޖެއެވެ.
ސަންޗޭޒް ވިދާޅުވީ، ރަޝިޔާއިން ޔޫކްރެއިންއަށް ހަމަލާ ދިނުމަށް ފަހު ރަޝިޔާގެ ކުޅިވަރު ޓީމުތަކަށް ދަތިކުރުމުގެ ފިޔަވަޅު އެޅި ފަދައިން، ޣައްޒާގައި ހިންގާ އަނިޔާވެރި އަމަލުތައް ދެމި އޮތްހާ ހިނދަކު، ސަހްޔޫނީން ބައިނަލްއަގުވާމީ ކުޅިވަރު މުބާރާތްތަކުން ބާކީކުރަންޖެހޭ ކަމަށެވެ.
މީގެއިތުރުން، ސަންޗޭޒް ވަނީ މިދިޔަ ހަފުތާގައި ވުއެލްޓާ ރޭހުގެ ފަހު މަރުހަލާގައި ސަހްޔޫނީންގެ އެތުލީޓުންނަށް ހުރަސްއެޅުމާއި ގުޅިގެން ކެންސަލް ކުރަން މަޖުބޫރުކުރުވި މުޒާހަރާގެ ބައިވެރިންނަށް ވަރަށް ބޮޑަށް ތައުރީފުކޮށްފައެވެ.
ސަހްޔޫނީން ޣައްޒާގައި ހިންގަމުންދާ ގަތުލުއާންމުއާއި ގުޅިގެން ބައިނަލްއަގްވާމީ ގިނަ ގައުމުތަކުން އަންނަނީ ސަހްޔޫނީންނާއި ދެކޮޅަށް ގިނަ ފާޑުކިޔުންތައް އަމާޒުކޮށް ދަތިކުރުމަށް އެޅެން އޮތް ފިޔަވަޅުތައް އަޅަމުންނެވެ.
ސަހްޔޫނީންގެ ހަމަލާތަކުގައި ޣައްޒާގެ އެތައް ލައްކަ މީހުން ޝަހީދުވެ ޒަޚަމްވެފައިވާއިރު ގިނަ ބަޔަކު އަންނަނީ ބަނޑުހައިހޫނުކަމުގައި މަރުވަމުންނެވެ.
