ހަމާސް އިން "ދެމިގެންދާ ސުލްހައަކަށް ތައްޔާރަށް" އޮތް ކަމަށް ގަބޫލުކުރާ ކަމަށާއި، އެ ޖަމާއަތުން އޭނާގެ 20 ނުކުތާގެ ސުލްހަ ޕްލޭންގެ ބައެއް ޝަރުތުތަކާ އެކު ބަލައިގަނެފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.

ޓްރޫތް ސޯޝަލްގައި ޓްރަމްޕް ކުރެއްވި ޕޯސްޓެއްގައި ޑިމާންޑް ކުރެއްވީ އިޒްރޭލުން “ޣައްޒާއަށް ބޮން އެޅުން ވަގުތުން ހުއްޓައި، ރަހީނުކޮށްފައިވާ މީހުން ރައްކާތެރިކަމާއެކު އަވަހަށް ނެރެވޭނެ ގޮތް ހެދުމަށް” ކަމަށެވެ.

އޭނާ މިހެން ވިދާޅުވީ ޣައްޒާގެ އިދާރީ ކޮންޓްރޯލް މިނިވަން ފަލަސްތީނުގެ ޓެކްނޮކްރެޓުންނާ ހަވާލުކޮށް، އިސްރާއީލުގެ ހުރިހާ އަސީރުން ދޫކޮށްލާނެ ކަމަށް ހަމާސްއިން ބުނިތާ މާގިނައިރުތަކެއް ނުވަނީސްއެވެ.

އިޒްރޭލުގެ އެންމެ މުހިންމު އެއް ޑިމާންޑް ކަމުގައިވާ ހަމާސްއިން ހަތިޔާރު ނައްތާލުމުގެ ނުކުތާއަށް ހަމާސްއިން އެއްބަސްވެފައި ނުވެއެވެ. އަދި މި އެއްބަސްވުމުގެ އެހެން ބައިތަކުގެ ތަފްސީލީ މަޝްވަރާތައް ފަހުން ކުރުމަށް ނިންމާފައިވާކަމަށް ރިޕޯޓްކޮށްފައިވެއެވެ.

ވޮޝިންޓަން އިން ކޮށްފައިވާ ޕޯސްޓެއްގައި ބުނެފައިވަނީ ޓްރަމްޕް ވަނީ ހަމާސް އަށް ފުރިހަމަ ހުށަހެޅުން ބަލައިގަތުމަށް އާދީއްތަ ދުވަހުގެ ނިޔަލަށް ވަގުތު ދީފައިކަމަށާއި، އެކަން ނުކޮށްފިނަމަ ބޮޑެތި ތަކުލީފުތައް ކުރިމަތިވާނެ ކަމުގެ އިންޒާރު ވަނީ ދީފައެވެ.

އިޒްރޭލުގެ ބޮޑުވަޒީރުގެ އޮފީހުން ބުނީ ޕްލޭންގެ ފުރަތަމަ ފިޔަވަހީ ތަންފީޒު ކުރަން ތައްޔާރުވަމުން އަންނަ ކަމަށެވެ. ނަމަވެސް އިޒްރޭލުގެ އަސްކަރީ ބާރުތަކުން ޣައްޒާގެ ބައެއް ހިސާބުތަކުގައި އޮޕަރޭޝަންތައް ކުރިއަށް ގެންދިޔަ ކަމަށް ރިޕޯޓްތައް ބުނެފައިވެއެވެ.

ބައިނަލްއަޤްވާމީ މުޖުތަމަޢުން ދަނީ ވަރަށް ގާތުން މި މައްސަލަ ބަލަމުންނެވެ. ގަތަރާއި މިސްރާއި އދ.ގެ މެދުވެރިން ވަނީ ހަމާސްގެ ނިންމުމަށް މަރުހަބާ ކިޔައި، ސުލްހައަށްޓަކައި ދެ ފަރާތުންވެސް އެއްބަސްވުމަށް އިހުތިރާމްކުރުމަށް އިލްތިމާސްކޮށްފަ އެވެ.