ފީފާއިން ސަހްޔޫނީން ބޭން ކުރަން ގޮވާލާ ބޯޑްތައް ހިފައިގެން ތިބި މީހިން ދަނޑުން ބޭރު ކުރަން ފަށައިފިއެވެ.
ފުޓްބޯޅައިގެ މައި އިދާރާ (ފީފާ)ގެ ރައީސް ޖިއާނީ އިންފަންޓީނޯ ރާއްޖެއަށް ވަޑައިގަތުމާއި ގުޅިގެން އިންފަންޓީނޯ އާއި ރައީސް މުއިއްޒު ހިމެނޭހެން މިއަދު ހަވީރު ގަލޮޅު ދަނޑުގައި ކުޅެމުންދާ ފުޓްބޯޅަ މެޗުގައި ފަލަސްތީނުގެ ދިދަ ވިހުރުވާލާ ފީފާއިން ސަހްޔޫނީން ބޭން ކުރުމަށް ދިވެހިން އަންނަނީ ގޮވަމުންނެވެ.
މިފަދައިން ގޮވަމުން އަންނަ ބައެއް މީހުން ފުލުހުންގެ ބާރުގެ ބޭނުންކޮށްގެން އަންނަނީ ގަލޮޅު ދަނޑުން ނެރެމުންނެވެ.
މަންޒަރު ފެންނަ ގޮތުގައި “ފީފާ އިން އިޒްރޭލް ބޭން” ޖަހާފައިވަާ ޕޯސްޓަރުތަކާއި ބެނާތައް ދިވެހިން އަންނަނީ ބޭނުންކުރަމުންނެވެ. އަދި ގިނަ އަދަދެއްގެ ފަލަސްތީނުގެ ދިދަތައްވެސް ދަނޑުތެރެއިން ފެނިގެންދެއެވެ.
ދިވެހި ސަރުކާރުން މިއަދު ދައްކުވައިދެނީ ދުނިޔޭގެ އެހެން އެއްވެސް ގައުމެއްގެ ސަރުކާރުން ސްޓޭޑިއަމް ތެރެއިން ދައްކުވައިދިން މަންޒަރެއް ނޫނެވެ. ސުލްހަވެރިކަމާއިއެކު ގިނަ ދިވެހިންގެ އަޑު ސަޕޯޓަރުން ފީފާގެ ރައީސަށް ދައްކުވައިދޭން ކުރި މަސައްކަތަށް ސަރުކާރުން މިވަނީ ހުރަސްއަޅާފައެވެ.
ފީފާގެ ލިސްޓުން ސަހްޔޫނީން ބޭން ކުރުމަށް ވަރަށް ގިނަ ގައުމުތަކުންވެސް އަންނަނީ ގޮވާލަމުންނެވެ.
ދިވެހިން ދިވެހީންގެ އަމިއްލަ ފަސްގަނޑުގައި ދިވެހީންގެ ޚިޔާލާއި ފިކުރު ފާޅުކުރުމުގެ މިނިވަންކަންވެސް އަދުގެ ސަރުކާރުން މިވަނީ ނަގާލާފައެވެ.
ފަލަސްތީނުގެ ރައްޔިތުންގެ ހައްގުގައި ސަރުކާރުން އެކި ޕްލެޓްފޯމްތަކުގައި އެދައްކަނީ މާނައެއް ނެތް ވާހަކަތަކެއްކަން މިއަދު ސަރުކާރުން ސާބިތުކޮށްދީފިއެވެ.
