އެމެރިކާއިން ވެނެޒުއެލާގެ ރައީސް ނިކޮލަސް މަޑޫރޯ ވެރިކަމުން ދުރުކޮށް ރަހީނުކޮށްގެން އެމެރިކާއަށް ގެންދަން އުޅުނު ކަމަށް ބުނެ ތުހުމަތުތަކެއް ފެތުރިއްޖެ އެވެ.

އެލެކްސް ބާނިކޯޓް ކިޔާ ފަރާތަކުން އެކްސްގައި ހިއްސާކުރި ޕޯސްޓެއްގައި ބުނެފައިވަނީ މިއީ ވެނެޒުއެލާގެ ލީޑަރު ހައްޔަރުކޮށް މަގާމުން ދުރުކުރުމަށް އެމެރިކާއިން ކުރި ފުރަތަމަ މަސައްކަތް ކަށަވަރު ކުރެވިފައިވާ ކަމަށެވެ.

މިކަމުން އަނެއްކާވެސް އެނގިގެންދަނީ އެމެރިކާއިން އެހެން ޤައުމުތަކުގެ ސިޔާސަތު ކޮންޓްރޯލް ކުރަން މަސައްކަތް ކުރަމުންދާ ކަމެވެ. އެމެރިކާއިން އަބަދުވެސް މަސައްކަތް ކުރަނީ ދުނިޔޭގެ ރަސްކަމަކީ އެމެރިކާ ފަދައިން އަމަލުކުރަން ކަމަށާއި، އެމީހުން މަސައްކަތް ކުރަނީ ލެޓިން އެމެރިކާގައި އަމިއްލަ ބާރު ކުރިއަށް ގެންދިއުމަށް ކަމަށް ގިނަ ބަޔަކު ތުހުމަތު ކުރަމުން ދެއެވެ.

ވެނެޒުއެލާގެ ރައްޔިތުންވެސް އެމެރިކާއަށް ބޮޑެތި ފާޑުކިޔުންތައް އަމާޒުކުރަމުންނެވެ. މިގޮތުން އެ ގައުމުގައި ވެރިކަން ކުރަންވީ ކާކުތޯ ނިންމުމުގެ ހައްގެއް އެމެރިކާއަށް ނޯންނާނެ ކަމަށާއި މި ބާވަތުގެ ބޭރުގެ ތަދައްޚުލުވުމަކީ މި ސަރަޙައްދުގައި އިތުރު ހަމަނުޖެހުންތަކާއި ފިތުނަވެރިކަން އުފެދިދާނެ ކަމެއް ގޮތުގައި އެމީހުން ސިފަކުރެއެވެ. ވެނެޒުއޭލާގެ އިތުރުން އެހެން ގައުމުތަކުގެ ރައްޔިތުން ބުނާ ގޮތުގައި އެމެރިކާއިން އެހެން ގައުމުތަކުގެ މުސްތަގުބަލާ ކުޅުން ހުއްޓާލަން ޖެހެ އެވެ.

ވެނެޒުއޭލާއިން އަންނަނީ ސަހްޔޫނީން ޣައްޒާގައި ހިންގަމުންދިޔަ ގަތުލުއާންމާއި ގުޅިގެން ސަހްޔޫނީ ބޮޑު ވަޒީރަށާއި އެމީހުންނަށް ވާގިވެރިވާ ގައުމުތަކަށް ފާޑުކިޔުން އަމާޒުކޮށްފައެވެ.