ވެނެޒުއޭލާއަށް އަރައިގަންނާނެ ބަހަނާއެއް ހޯދަން އެމެެރިކާއިން އެ ގައުމުގެ ބޯޓެއް ފައްތާލަން އުޅުނުކަން ފަޅާއަރައިފިއެވެ.

ވެނެޒުއޭލާ ކައިރީގައި ބޯޓުތަކެއް ފައްތާލަ ހަމާލާދީފައިވަނީ އެއީ މަސްތުވާތަކެއްޗާއި ގުޅުން ހުރި ބޯޓުތަކެއް ކަމަށް އެމެރިކާއިން ބުނެފައިވެއެވެ. ނަމަވެސް އެއީ އެމެރިކާއިން ވެނެޒުއެލާއަށް ވަދެވޭނެ ތަފާތު ގޮތްތައް ސިއްރުން ހޯދަން މަސައްކަތް ކުރަމުންދާ ކަމުގެ ސިގްނަލެއް ކަމަށާއި އެކަމުގެ ވެނެޒުއޭލާގައި އާއި ކައިރި ސަރަހައްދުގައި ދަނީ އުފެދެމުންނެވެ.

ދޯނިފަހަރުތަކަށް ތަކުރާރުކޮށް ދިން މި ހަމަލާތަކުން ހާމަވާ ގޮތުގައި އެމެރިކާއިން އަންނަނީ މިހާރު ކަނޑުގެ މަގު ބޭނުންކޮށްގެން ޕްރެޝަރު ކޮށް މަޑުމަޑުން ވެނެޒުއެލާގެ ސަރަހައްދާ ކައިރިވަމުންނެވެ.

ވެނެޒުއެލާއިން ވަނީ އެމެރިކާގެ ވާހަކަތައް ހަރުކަށިކޮށް ދޮގުކޮށް، މިއީ މަސްތުވާތަކެއްޗާ ބެހޭ ކަމެއް ނޫން ކަމަށް ބުނެފައެވެ. ވެނެޒުއެލާގެ އޮފިޝަލުން ތުހުމަތު ކުރަނީ އެމެރިކާއިން އެގައުމުގެ އެތެރެއަށް ވަދެ ސަރުކާރު ވައްޓާލަން މަސައްކަތް ކުރާ ކަމަށެވެ. އެމީހުން ބުނާ ގޮތުގައި އެމީހުންގެ ބޯޑަރުތައް ކައިރިން ދޯނިތައް އަޑިއަށް ދިއުމަކީ ކުރިއަށް އޮތްތަނުގައި އެމެރިކާއިން ދޭނެ ހަމަލާއަކަށް ތައްޔާރުވަމުންދާ ކަމުގެ ސާފު ނިޝާނެކެވެ.

ބައިނަލްއަޤްވާމީ އޮބްޒާވަރުންނާއި ޤާނޫނީ މާހިރުންވެސް މި މައްސަލަ އާއި ގުޅިގެން ކަންބޮޑުވުން ފާޅުކޮށް ބުނަނީ އެމެރިކާއިން ބައިނަލްއަގްވާމީ ގާނޫނާ ޚިލާފުވެ އަސްކަރީ ބާރު ނަހަމަ ގޮތުގައި ބޭނުންކުރާ ކަމަށެވެ.

އެމެރިކާއިން އަންނަނީ ވެނެޒުއޭލާގެ ވެރިކަން ވައްޓާލާ އެމީހުންގެ ބާރު ހިނގާނެ ވެެރިކަމެއް ގާއިމުކުރުމަށް މަސައްކަތް ކުރަމުންނެވެ.