2021 ވަނަ އަހަރު ޖެނުއަރީ 6 ވަނަ ދުވަހު އެމެރިކާގެ ރިޔާސީ އިންތިޚާބުން ބަލިވި، އޭރުގެ ރައީސް ޑޮނަލްޑް ޓްރަމްޕް، ބަލި ގަބޫލު ކުރަން ދެކޮޅު ހަދައި، ވޯޓު އޮޅުވާލި ކަމަށް ތުހުމަތުކޮށް، ކޮންގްރެސް ގައި ނަގަން އުޅުނު އިލެކްޓޯރަލް ވޯޓު ނެގުން ހުއްޓުވަން އޭނާގެ ސަޕޯޓަރުން ލައްވާ ކެޕިޓޮލްއަށް ޖަމާވެ ހިނގައިދިޔަ ރަޔަޓްތަކާ ގުޅިގެން ޓްރަމްޕްގެ މައްޗަށް ބަޣާވާތް ކުރަން އުޅުމުގެ ތުހުމަތު ކުރެވޭތީ ކޮލަރާޑޯ ސްޓޭޓުގެ ސުޕްރީމް ކޯޓުން ޓްރަމްޕަށް މިއަހަރު އޮންނަ ރިޔާސީ އިންތިޚާބުގައި ކުރިމަތި ނުލެވޭނެކަމަށް ނިންމި ނިންމުން އެމެރިކާގެ ސުޕްރީމްކޯޓުން ބާތިލުކޮށްފި އެވެ.
ސުޕްރީމްކޯޓުގެ މި ހުކުމާ ގުޅިގެން ޓްރަމްޕު، ނުވަތަ އެހެން ކެނޑިޑޭޓެއްގެ ކެނޑިޑޭސީވެސް 'އިންސުރެކްޝަން'ގެ އަމަލަކާ ގުޅިގެން ބާތިލު ނުކުރެވޭނެ ކަމަށް ހުރިހާ ފަނޑިޔާރުންގެ އިއްތިފާގުން ނެރުނު އަމުރުގައިވެއެވެ.
