އީރާނުގެ ހަމަލާގެ ސަބަބުން އިތުރު އަށް މީހަކަށް އަނިޔާވެ، ޒަހަމްވި މީހުންގެ އަދަދު ވަނީ 16 އަށް އަރާފައިވާ ކަމަށް ގަތަރުގެ އިންޓީރިއާ މިނިސްޓްރީން އިއުލާން ކޮށްފިއެވެ.
އީރާނުން މި ހަމަލާތައް ދޭން ފެށީ އިސްރާއީލާއި އެމެރިކާއިން ގުޅިގެން އީރާނަށް ހަމަލާ ދިނުމުންނެވެ. މިއާއެކު މެދުއިރުމަތީގެ ގައުމުތަކުގައިވާ އެމެރިކާގެ އަސްކަރީ މަރުކަޒުތަކަށް އީރާނުން ބަދަލުގެ ހަމަލާ އަމާޒުކުރަމުންދާއިރު، މުޅި އެ ސަރަހައްދުގައި މިހާރު ވަނީ ބޮޑު ހަނގުރާމައެއް ފެށިދާނެ ކަމުގެ ބިރު އުފެދިފައެވެ.
ކުވައިޓު، ބަހްރޭން، އެކުވެރި އަރަބި އިމާރާތް (ޔޫއޭއީ)ގެ އަބޫ ދާބީ އަދި ސައުދި އަރަބިއްޔާގެ ރިއާދުގައި ވަނީ ހަމަލާގެ އަޑުތައް އިވިފައެވެ. އީރާނުން ވަނީ އިސްރާއީލަށް ވެސް ހަމަލާތައް ދީފައެވެ.
