މި އަހަރުގެ ރަމަޟާން މަސް ފެށުނު އިރު މާލޭގެ ލޯކަލް މާރުކޭޓު ގައި ތަފާތު އެކި ބާވަތްތަކުގެ ތަރުކާރީ އާއި މޭވާ އިން ވަނީ ފުރާލައިފައިވާއިރު މިރުހުގެ އަގު ބޮޑުކަމަށް ދައްކައިފިއެވެ.

މާރުކޭޓުގައި މިހާރު އެންމެ ބޮޑަށް އަގު އުފުލިފައިވަނީ މިރުހުގެ އަގެވެ.

ވިޔަފާރިވެރިން ގެ ވާހަކަތަކުން އެނގުނު ގޮތުގައި 100 ގްރާމްގެ މިރުސް ހުރީ 75-80ރ. އަށެވެ.

އަދި މިރުސް ކިލޯއެއްގެ އަގު އުޅެނީ 700ރ. އާއި 780ރ. އާ ދެމެދުގެ އަގުތަކެއްގައެވެ.

ލޯކަލް މާރުކޭޓުގައި ކަރާ ކިލޯއެއް ލިބެން ހުރީ 15ރ. އާއި 20ރ. އާ ދެމެދުގެ އަގެއްގައެވެ.

ރޯދަ މަސް ފެށުމުގެ ކުރިން ވެސް ކަރާގެ އަގު ހުރީ ހެޔޮކޮށްށެވެ.

މީގެ އިތުރުން އެހެން މޭވާގެ ބާވަތްތަކުގެ އަގު ތަކަށް ބަލާއިރި ފޭރު ކިލޯއެއް އުޅެނީ 70ރ. އާއި 90ރ. އާ ދެމެދުގައެވެ.

އަދި ކުރުނބާގެ އަގުތަކަށް ބަލާއިރު، އޭގެ އަގު އުޅެނީ 35ރ. އާއި 40ރ. އާ ދެމެދުގައެވެ.

މާރުކޭޓުގައި އަނބު ތިޔާގި ނަމަވެސް ދިވެހި އަނބު ކިލޯއެއް އުޅެނީ 120ރ. އަށްކަން ފާހަގަކޮށްލެވެއެވެ.