މާރުކޭޓުގެ ގޮޅިތައް ވިޔަފާރި ނުވުމުގެ ސަބަބުން ބަންދު ކުރަން ފަށައިފިއެވެ.
މާރުކޭޓުގައި ވިއްކާ ކެއިން ބުއިމަށް ބޭނުން ކުރާ ބާވަތްތަކުގެ އަގުތައް އުފުލި ގިނަ ދަތިތަކަކާއި ކުރިމަތި ލަމުން ދާ ކަމަށް ގޮޅިތަކުގައި ވިޔަފާރި ކުރަމުންދާ މީހުންދަނީ ބުނަމުންނެވެ.
އެގޮތުން ތަފާތު ބާވަތްތަކުގެ ކާނާ އިމްޕޯޓު ކުރުމުގައި ދަތިތަކެއް ހުރި ކަމާއި ބޭނުންވާ އަގުތަކުގައި މިއަދު މޭވާ އާއި ތަރުކާރީ ނުލިބޭކަމަށް މައުލޫމާތުވަނީ ލިބިފައެވެ.
އެގޮތުން މިއަދު މާރުކޭޓުތަކުގައި އާއި ކައިރި ފިހާރަތަކުގައި މޭވާ އާއި ތަރުކާރީގެ އަގު ހުންނަނީ ދާދި އެއްވަރަށްކަމަށެވެ.
އަދި އޭގެ ސަބަބުން ރައްޔިތުންދަނީ ފަސޭހައަށްޓަކައި ގެ ކައިރި ފިހާރަތަކަށް ކަމާއި އެފަދަ ކަންކަމުގެ ސަބަބުން ވިޔަފާރި ވަރަށް ބޮޑަށް ދަށްވާ ކަމަށް މައުލޫމާތުވަނީ ލިބިފައެވެ.
މީގެ އިތުރުން މުސާރަ އާއި މާރުކޭޓު ގޮޅީގެ ކުލިފަދަ ހިންގުމުގެ ހަރަދުތަކާއި ކަރަންޓު ބިލުފަދަ ހަރަދުތައްދަނީ ދުވަހެއް ދުވަހަށް އިތުރުވަމުން ކަމާއި އޭގެ ސަބަބުން މާރުކޭޓު ވިޔަފާރިވެރިންނަށް އެކި ވަރުގެ ގެއްލުން ލިބެމުންދާކަމަށް ވިޔަފާރިވެރިން މައުލޫމާތު ދެއެވެ.
އެގޮތުން މިއަދު ވިޔަފާރި ނެތުމުގެ ސަބަބުން ގޮޅިތައްދަނީ ބަންދު ކުރަމުންނެވެ.
