މާލޭ ދަތުރުވެރިންގެ މާރުކޭޓުގައި ލުނބޯގެ އަގު އަތް ނުފޯރާ ފަށަށް ހިނގައްޖެ އެވެ.

އެގޮތުން ލުނބޯ ކިލޯއެއް މިހާރު ލިބެން ހުރީ 120 ރުފިޔާއަށެވެ.

މީގެ ކުރިން ލުނބޯ ކިލޯއެއް ލިބެން ހުރީ 30-35 ރފ ގެ ރޭޓެއްގައެވެ.

ހޯލްސޭލްކޮށް ލުނބޯ ލިބޭ އަގު އުފުލެމުންދާ ނަމަ، ކުރިއަށް އޮތް ދުވަސްތަކުގައި ވެސް އަގު އުފުލުމަކީ އެކަށީގެންވާ ކަމެއް ކަމަށެވެ.

ހޯލްސޭލްކުރާ ތަންތަނުގައި 8 ކިލޯގެ ލުނބޯ ކޭހެއް މިހާރު ލިބެން ހުރީ 880ރ. އަށެވެ.

އިއްޔެ ކޭހެއްގެ އަގު 950ރ. އަށް ވެސް އަރައިގެންދިޔަ އެވެ.

މާލޭ ދަތުރުވެރިންގެ މާރުކޭޓުގައި ލުނބޯގެ އަގު އަތް ނުފޯރާ ފަށަށް ދިޔުމުން ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.