ޗައިނާގެ ހެބޭ ޕްރޮވިންސްގެ ގޮވާފައިވަނީ ފްރައިޑް ޗިކަން ފިހާރައެކެވެ. މިހާދިސާގައި ދެ މީހަކު މަރުވެ 20 އަށް ވުރެ ގިނަ މީހުން ވަނީ ޒަހަމްވެފަ އެވެ.
މީޑިޔާ ރިޕޯޓްތައް ބުނާ ގޮތުގައި ޗައިނާގެ ވެރިރަށް ބެއިޖިން އާއި ގާތްގަނޑަކަށް ގަޑިއެއްހާއިރު ދުރުގައި އޮންނަ ސަންހޭގައި ގޮވަން މެދުވެރިވީ ގޭސް ލީކުވެގެން ކަމަށް ވެދާނެ ކަމަށެވެ.
ސޯޝަލް މީޑިއާގައި ދައުރުވަމުން ދިޔަ ވީޑިއޯތަކުން ދައްކާ ގޮތުގައި މަގުމަތީގައި ބޮޑެތި ދުންތަކާއި ކުނިކޮޅުތައް އެތުރިފައިވާއިރު، ކައިރީގައި ހުރި އިމާރާތްތަކަށާއި ކާރުތަކަށް ވެސް ވަނީ ގެއްލުންތަކެއް ލިބިފަ އެވެ.
މަދުވެގެން ތިން އިމާރާތަކަށް ބޮޑެތި ގެއްލުންތަކެއް ލިބިފައިވާއިރު، އެއް އިމާރާތް ވަނީ އެއްކޮށް ސުންނާފަތިވެފައެވެ. ފަޔާ ފައިޓަރުން އަލިފާން ނިއްވާތަން ފެނިފައިވާއިރު، ވަށައިގެން ފުނޑުފުނޑުވެފައިވާ ކާރުތައް ވެއިބޯގެ ވީޑިއޯތަކާއި ފޮޓޯތަކުން ދައްކަ އެވެ.
