ދުނިޔޭގެ އެކި ކަންކޮޅުތަކުގައި އިޒްރޭލުގެ ގާނޫނީ ސައްހަކަމާމެދު ސުވާލު އުފައްދައި، އެ ގައުމު ބާކީކުރުމަށް މަސައްކަތް ކުރަމުންދާއިރު، އިންޑިއާއަކީ އިޒްރޭލުގެ އެންމެ ވަރުގަދަ އެކުވެރިޔާގެ ގޮތުގައި ބޮޑުވަޒީރު ބެންޖަމިން ނަތަންޔާހޫ ސިފަކުރައްވައިފިއެވެ.
ނަތަންޔާހޫ ވިދާޅުވީ، ދުނިޔޭގެ އެތައް ސަރަޙައްދެއްގައި އިޒްރޭލު "ޑިލެޖިޓިމައިޒް" ކުރުމުގެ ނުވަތަ ބާކީކުރުމުގެ ކެމްޕޭންތައް ކުރިއަށްދާއިރު، އިންޑިއާގައި އެފަދަ އެއްވެސް ކަމެއް ނުހިނގާ ކަމަށެވެ. އަދި އިންޑިއާގެ ރައްޔިތުންގެ ފަރާތުން އިޒްރޭލަށް ލިބެމުންދަނީ ބަލައިގަންނަންވެސް ދަތިވާ ފަދަ ބޮޑު ތާއީދެއްކަން އޭނާ ފާހަގަކުރެއްވިއެވެ.
އިންޑިއާގެ ތާއީދާ ގުޅޭގޮތުން ވާހަކަދައްކަވަމުން ނަތަންޔާހޫ ވިދާޅުވީ އެހެން އެއްވެސް ތަނަކަށްވުރެ އިންޑިއާގައި އިޒްރޭލަށް ތާއީދުކުރާ ފޮލޯވަރުން ގިނަ ކަމަށެވެ. މިއީ ދެ ގައުމުގެ ދެމެދުގައި އޮތް ގާތް ގުޅުން ހާމަކޮށްދޭ ކަމެއްގެ ގޮތުގައި އޭނާ ފާހަގަކުރެއްވިއެވެ.
ފަހަކަށް އައިސް ބައިނަލްއަގުވާމީ މައިދާނުގައި އިޒްރޭލަށް ކުރިމަތިވަމުންދާ ފާޑުކިޔުންތަކާއި ފިއްތުންތަކާއެކުވެސް، އިންޑިއާއިން އިޒްރޭލާއެކު ބާއްވަމުންދާ ގާތް ގުޅުމަށް ބަދަލެއް އައިސްފައި ނުވާކަން ނަތަންޔާހޫގެ ވާހަކަފުޅުން ދޭހަވެއެވެ. މި ގުޅުމަކީ ދެ ގައުމުގެ އިސްތިރާޖީ އަދި ސިޔާސީ މަސްލަހަތުތަކުގެ މައްޗަށް ބިނާވެފައިވާ ވަރުގަދަ ގުޅުމެއްގެ ގޮތުގައި މަސްރަހު ދިރާސާކުރާ ފަރާތްތަކުން ދެކެއެވެ.
