ފަލަސްތީނުގެ ޣައްޒާގައި އިސްރާއީލުން ހިންގަމުންދާ ގަތުލު އާއްމުގައި 10،000 އަށްވުރެ ގިނަ ކުޑަކުދިން ޝަހީދުކޮށްލާފައިވާ ކަމަށް ސޭވް ދަ ޗިލްޑްރަންގެ ރިޕޯޓަކުން ހާމަވެއްޖެއެވެ.


އެ ރިޕޯޓްގައި ބުނެފައިވާގޮތުގައި އެ ހަނގުރާމައިގައި ސަލާމަތްވެފައިވާ ކުދިންނަކީ އަނިޔާތަކާއެކު ދިރިއުޅެމުންދާ ކުދިންނެވެ.

ހަށިގަނޑު ފިހިފައި ނުވަތަ ބަލިޖެހުމާއި، އެކަށީގެންވާ ބޭސްފަރުވާ ނުލިބުމާއި، މައިންބަފައިންނާއި އެހެނިހެން ގާތް ތިމާގެ މީހުން ގެއްލުވާލުން ފަދަ ބަޔާން ނުކުރެވޭ ފަދަ ބިރުވެރި ހާދިސާތަކެއް ތަހައްމަލު ކުރަމުން އަންނަ ކުދިން ގިނަ ކަމަށް އެ ރިޕޯޓްގައިވަނީ ފާހަގަކޮށްފައެވެ.

ޒަހަމްވި އެތައް ހާސް ކުދިންގެ ތެރެއިން 1،000 ކުދިންގެ ކޮންމެވެސް އެއްގުނަވަނެއް މަދު ކުދިންކަން ރިޕޯޓުގައި ފާހަގަ ކޮށްފައިވެއެވެ. ހަނގުރާމަ ފެށުނު ފަހުން ދުވާލެއްގެ މައްޗަށް މަދުވެގެން 10 އަށް ވުރެ ގިނަ ކުދިން ޒަހަމްވާއިރު، އެނެސްތީސިއާ އާ ނުލައި ގިނަ ކުދިންގެ ފައި ބުރިކޮށްލަން ޖެހެއެވެ.

އެންޖީއޯގެ ޖޭސަން ލީ އަލްޖަޒީރާއަށް ވިދާޅުވި ގޮތުގައި މި އަދަދުތަކަކީ ހަމައެކަނި ސްކޭލާއި ސްކޯޕަށް ބަލާއިރު ހައިރާންކުރުވަނިވި އަދަދުތަކެއް ނޫން ކަމަށާއި މިއީ ހަގީގީ އަސަރެވެ.

މިއީ ހަމައެކަނި ނަމްބަރުތަކެއް ނޫން ކަމަށާއި އެއިން ކޮންމެ މީހަކީ ވެސް ކުޑަކުއްޖެއް ކަމަށް އޭނާވަނީ ބުނެފައެވެ.

ޔަހޫދީންގެ މި ހަމަލާތަކުގައި އެންމެ ގިނައިން ޝަހީދުކޮށްލާފައިވަނީ ކުޑަކުދިންކަން ފާހަގަކޮށްލެވެއެވެ.