ޣައްޒާގެ އުތުރުގެ ސަރަހައްދުތަކަށް އިންސާނީ އެހީ ފޯރުކޮށްދިނުން އިސްރާއީލުން މަނާކުރަމުން އަންނަ ކަމަށް އދ. އިން ބުނެފިއެވެ.

ޣައްޒާއާއި ޚާއްސަކޮށް ޣައްޒާގެ އުތުރުގައި ތިބި މީހުން ބަނޑުހައިހޫނުކަމުގެ ކާރިސާއަކާ ކުރިމަތިލާން ޖެހިފައިވާއިރު، މި މަނާކުރުން ކުރިއަށް ގެންދަނީ ފަލަސްތީނުގެ ރައްޔިތުންނަށް އިންސާނީ އެހީ މިނިވަންކަމާއެކު ފޯރުކޮށްދިނުމަށް އިތުރު މަސައްކަތްތަކެއް ކުރުމަށް އިސްރާއީލަށް ޕްރެޝަރު ކުރަމުންދާ ދަނޑިވަޅެއްގައެވެ.

ޔޫއެންއާރުޑަބްލިއުއޭގެ ކޮމިޝަނަރު ޖެނެރަލް ފިލިޕް ލަޒާރީނީ އެކްސްގައި މަނާކުރިކަން އިއުލާން ކުރައްވައި ވިދާޅުވީ ޣައްޒާގައި އެމީހުންގެ މެންޑޭޓް ފުރިހަމަ ކުރުމަށް ހުރަސް އަޅައިގެން "ބަނޑުހައިހޫނުކަމާ ދިމާއަށް އަވަހަށް ދާނެކަމަށާއި އިތުރު އެތައް ބަޔަކު ބަނޑުހައިހޫނުކަމާއި، ފެން މަދުވުމާއި، ބޯހިޔާވަހިކަން ނެތުމުން މަރުވާނެ" ކަމަށެވެ.

"މިއީ ބަލައިގަނެވޭނެ ކަމެއް ނޫން، މިއީ ބަނޑަށް ޖެހިފައިވާ މީހުން ސަލާމަތް ކުރުމަށް އެހީތެރިވުމަށް ހުރަސް އެޅުމަށް ގަސްތުގައި ކުރެވޭ ކަމެއް،" އޭނާ ވިދާޅުވި އެވެ. "މި ހުރަސްތައް އުވާލަން ޖެހޭނެ."

ޔޫއެންއާރުޑަބްލިއުއޭ އަކީ ޣައްޒާގައި ހިންގާ އެންމެ ބޮޑު ރިލީފް އެޖެންސީ ކަމަށާއި، އެތަނުގައި 13،000 އެއްހާ މުވައްޒަފުން މަސައްކަތް ކުރާ ކަމަށެވެ. ޣައްޒާއަށް އެހީ ފޯރުކޮށްދިނުމާއެކު، އެންކްލޭވްގައި 20 އަށް ވުރެ ގިނަ ސިއްހީ މަރުކަޒާއި އެތައް ސަތޭކަ ސްކޫލަކާއި ރެފިއުޖީ ކޭމްޕްތައް ހިންގަ އެވެ.

މަނާކުރުމުގެ ސަބަބެއް ނުބުނި ނަމަވެސް، މެދުއިރުމަތީގެ ގައުމަށް އޮކްޓޯބަރު ހަތް ވަނަ ދުވަހު ހަމާސްއިން ދިން ހަމަލާގައި ބައިވެރިވި ކަމަށް އިސްރާއީލުން ވަނީ ތުހުމަތުކޮށްފައެވެ.

ޔޫއެންއާރުޑަބްލިއުއޭ އިން ވަނީ އިސްރާއީލުން ތުހުމަތުކޮށްފައިވާ 12 މީހުންގެ ތެރެއިން 10 މީހަކު ވަޒީފާއިން ވަކިކޮށްފައެވެ.

މީގެ ކުރިން ޔޫއެންއާރުޑަބްލިއުއޭގެ ދެ ކާބޯތަކެތީގެ ކޮންވޯއީއަކަށް ޣައްޒާގެ އުތުރަށް ވަނުން މަނާކޮށް، ގާތްގަނޑަކަށް ދެ މަސް ދުވަހު އެ ސަރަހައްދަށް ކާބޯތަކެތި ޑެލިވަރީ ނުކުރެވެއެވެ.