ފާއިތުވެދިޔަ ތަނުގައި ދިމާވި ސިލްސިލާ ހާދިސާތަކަށް ފަހު ބޮއިންގްގެ ސީއީއޯ ޑޭވިޑް ކަލްހޫން މި އަހަރު ނިމޭއިރު އެ ކުންފުނިން ވަކިވާނެކަން އިއުލާންކޮށްފިއެވެ.

ބޮއިންގްގެ ކޮމާޝަލް އެއާޕްލޭންސް ޔުނިޓްގެ ރައީސް އަދި ސީއީއޯ ސްޓެން ޑީލް ވަގުތުން ރިޓަޔާ ކުރައްވާނެ އެވެ. ތިން މަސް ނުވަނީސް އެކުންފުނީގެ ޗީފް އޮޕަރޭޓިން އޮފިސަރުގެ މަގާމު އަދާކުރެއްވި ސްޓެފަނީ ޕޯޕް ވަނީ ކީ ޑިވިޝަންގެ ލީޑަޝިޕާ ހަވާލުވެވަޑައިގެންފަ އެވެ.

އެ ކުންފުނިން ބުނީ ބޯޑުގެ ޗެއާމަން ލޯރެންސް ކެލްނަރ، ކުރީގެ އެއާލައިން ޗީފް މެއި މަހު އަލުން އިންތިހާބުގައި ވާދަ ނުކުރައްވާނެ ކަމަށާއި އޭނާގެ ބަދަލުގައި ކުއަލްކޮމްގެ ކުރީގެ ސީއީއޯއެއް ހުންނާނެ ކަމަށެވެ.

ޖެނުއަރީ މަހުގެ ކުރީކޮޅު ބޮއިންގް އަށް ބޮޑު ޕްރެޝަރެއް ކުރިމަތިވެފައި ވަނީ މުޅިން އައު އަލަސްކާ އެއާލައިންސްގެ 737 މެކްސް ބޯޓެއްގެ ޕެނަލެއް ބޯޓު އުދުހެނިކޮށް ނެއްޓުމުންނެވެ. ތަހުގީގު ކުރާ ފަރާތްތަކުން ބުނާ ގޮތުގައި ބޮއިންގް ފެކްޓްރީގައި މަރާމާތު ކުރިއިރު ޕެނަލް ހަރުކުރާ ބޯލްޓްތައް ވަނީ ހަރުނުކޮށެވެ.

ފެޑެރަލް އޭވިއޭޝަން އެޑްމިނިސްޓްރޭޝަނުން ވަނީ 737 ބޯޓު އުފެއްދުމަށް ލިމިޓެއް ކަނޑައެޅުމުގެ އިތުރުން އެ ކުންފުންޏަށް ކުރާ ފާރަވެރިކަން ވަރުގަދަކޮށްފަ އެވެ. ސީއެޓްއެލް ކައިރީގައި ހުންނަ ބޮއިންގްގެ 737 ފެކްޓްރީގެ އެފްއޭއޭ އިން ކުރި އޮޑިޓެއްގައި ޕްރޮޑަކްޝަންގެ ގާތްގަނޑަކަށް ތިން ޑަޒަން ދާއިރާއިން އެ ކުންފުންޏަށް ފެއިލްވެފައިވާ ގްރޭޑްތައް ލިބިފައިވެއެވެ.

އެއާލައިންގެ އެގްޒެކެޓިވުން އެ ކުންފުންޏާ މެދު މާޔޫސްވުން ފާޅުކޮށްފައިވާއިރު، ބޮއިންގް ޖެޓްތަކާ ގުޅޭ ކުދިކުދި ހާދިސާތަކުން ވެސް ވަނީ އިތުރު ސަމާލުކަމެއް ލިބިފަ އެވެ.